बिराटनगर, असोज ९
बिराटनगर १४ को श्यामानन्द यादवको हत्या आरोप लागेका फरार तीन जना वडाध्यक्ष सहित ९ जना अभियुक्तलाई पक्राउ गर्न माग गर्दै पीडितहरुले जिल्ला अदालत अगाडी प्रदर्शन गरेका छन् । जेठ ३२ गते बिवाहको बिषयलाई लिएर भएको विवादको क्रममा कुटपिटबाट घाइते भएको ५५ वर्षीय श्यामानन्द यादवको उपचारको क्रममा असार २७ गते बिहान कोशी अस्पतालमा मुत्यु भएको थियो ।
दुई महिना बितिसक्दा पनि हत्या आरोपी अभियुक्तहरु अहिलेसम्म फरार रहेकोले पीडित पक्षले पक्राउ गर्न माग गर्दै आज जिल्ला अदालत मोरङ अगाडी प्रदर्शन गरेको छन् ।
उक्त घटनामा सम्लग्न भएको आरोपमा बिराटनगर महानगरपालिका १४ का वडा अध्यक्ष बलदेव यादव , १८ का वडा अध्यक्ष संजय शाह र जहदा गाउँपालिका १ का वडा अध्यक्ष प्रदीप यादव सहित ९ जना विरुद्ध मोरङ प्रहरीले कर्तव्य ज्यान अपराधमा मुद्दा दर्ता गराएको थियो । मुद्दा दर्ता भएपछि फरार भएको आरोपीहरुलाई प्रहरीले फेला पर्न सकेको छैन भने हत्याकै आरोपी दिपेश यादव आफै हाजिर भएको छ । प्रहरीले हत्यामा १० जनाको संलग्नता भएको दाबी सहितको अनुसन्धान प्रतिबेदन अदालतमा बुझाई सकेको छ ।
आज मुतकका आफन्त तथा नगरिक समाजले हत्यामा संलग्न आरोपिलाई पक्राउ गरि कानुनी दायरामा लयाउनु पर्ने माग गर्दै अदालत अगाडी प्लेकार्ड बोकेर नाराबाजी गर्दै प्रदर्शन गरेका थिए ।
हत्यामा संलग्न बिराटनगर महानगरपालिका १४ का वडाघ्यक्ष बलदेव यादव , उहाँको छोरा रबिन यादव , १८ न. वडाध्यक्ष संजय यादव , भोला यादव , किरानी भनिने दिनेश यादव , १४ न. को शम्भु भनिने बिजय यादव ,जहदा गाउँपालिका १ वडाध्यक्ष प्रदीप यादव , बिन्देश्वर यादव , बिरेश यादव हालसम्म पनि फरार रहेकोले यथासिघ्र पक्राउ गरि पीडित पक्षको माग छ ।
