०४ मंसिर २०८३, बिहिबार
19-11-2026 , Thu
Gold Silver Price (Mangsir 1, 2083, TUE)
Fine Gold 1 Tola NRs. 267500
Silver 1 Tola Nrs. 3505

लायन्स क्लब अफ विराटनगर ग्लोबलको १०औँ पदस्थापन सम्पन्न

Logo
जनचर्चा संवाददाता

विराटनगर, असाेज १८ । लायन्स क्लब अफ विराटनगर ग्लोबलको दसौं पदस्थापन समारोह भव्यताका साथ सम्पन्न भएको छ। ‘सेवा नै परम धर्म’ भन्ने मूल मन्त्रलाई आत्मसात् गर्दै क्लबले शुक्रबार नयाँ नेतृत्वलाई जिम्मेवारी सुम्पिएको हो।

जुलाई १ देखि लागू हुने गरी सुरु भएको नयाँ कार्यकालका लागि आयोजित ‍‍‍औपचारिक पदहस्तान्तरण समारोहमा डिष्ट्रिक्ट गभर्नर लायन लिला प्रसाद चिमरियाले अध्यक्ष अनिल रौनियार र उनको नेतृत्वको नयाँ कार्यसमितिलाई पदको शपथ गराएका थिए। साे कार्यक्रममा ग्लाेबलकाे प्रथम उपाध्यक्ष सन्ताेष राैनियार, सचिव मुकेश कुमार यादव र काेषाध्यक्ष चन्द्र कुमारी सरकारलाई समेत पदस्थापन गराइएकाे थियाे ।

जिम्मेवारी सम्हालेपछि अध्यक्ष रौनियारले क्लबले अहिलेसम्म सञ्चालन गर्दै आएका सामाजिक तथा मानवीय सेवाका कार्यक्रमलाई आगामी दिनमा अझ फराकिलो र सुव्यवस्थित बनाउने बताए। वर्षभर नै निरन्तर रूपमा प्रभावकारी सेवामूलक गतिविधि सञ्चालन गर्ने योजना रहेको उनले जानकारी गराए। क्लबले हालका वर्षहरूमा रक्तदान, वृक्षरोपण, खाद्यान्न वितरण, ज्येष्ठ नागरिकको सेवा तथा मानव सेवा आश्रममा भोजन खुवाउने जस्ता कार्यक्रम गर्दै आएको छ। आगामी कार्यकालमा समाजको वास्तविक आवश्यकतामा आधारित सेवालाई प्राथमिकता दिँदै यस्ता कार्यक्रमको प्रभावकारिता बढाउने अध्यक्ष रौनियारले प्रतिबद्धता जनाए।
साेहि कार्यक्रममा लियाे क्लब अफ विराटनगर ग्लोबलका अध्यक्ष क्रिजन काफ्ले सहित उपाध्यक्ष वेनु खितवडा, सचिव उत्कृष्ट गिरी र काेषाध्क्ष मनाेज बुढाथाेकीलाई पनि नँया कार्यकालकाे लागी आपचारिकरुपमा पदस्थापित गराईएकाे थियाे ।

समारोहमा प्रथम भाइस डिस्ट्रिक्ट गभर्नर रमेश खत्री, द्वितीय भाइस डिस्ट्रिक्ट गभर्नर उदय नारायण बराल तथा पूर्व डिस्ट्रिक्ट गभर्नर (PDG) हरू  धिराज गुरुङ, लायन बाबरजंग थापा,  लिला ढुंगेल, विजयहरि शर्मा र  रेवतबहादुर कार्कीको उपस्थिति रहेको थियो। साथै लायन्स क्लबका अग्रज, पदाधिकारी तथा सदस्यहरूको पनि सहभागिता थियो। नयाँ नेतृत्वसँगै क्लबको सामाजिक तथा मानवीय सेवा अभियानले थप गति लिने अपेक्षा गरिएको छ।

कमेन्ट गर्नुहोस्
सम्बन्धित

१ मंसिर, काठमाडौं । प्रहरी महानिरीक्षकको जिम्मेवारीबाट हटाइएका दानबहादुर कार्कीले सर्वोच्च अदालतमा दायर गरेको रिट निवेदनमाथि बुधबार प्रारम्भिक सुनुवाइ हुने भएको छ । कार्कीले २० कात्तिकमा निवेदन दर्ता गरेका थिए । अदालतले तिहार बिदापछि ३० कात्तिकका लागि सुनुवाइको मिति तोकेको भए पनि सरकारले सोही दिन छठको सार्वजनिक बिदा दिएकाले मुद्दा स्वतः सरेको थियो । तिहार […]

काठमाडाै‌, कार्तिक २४ ।  नेपाल संवत् ११४७ आज देशभर विविध कार्यक्रमसहित मनाइँदै छ। नेवार समुदायले यस दिनलाई नयाँ वर्षका रूपमा मनाउँदै म्हः (आत्म) पूजा पनि गरिरहेका छन्। काठमाडौंको वसन्तपुरमा नेवार समुदायका मानिस भेला भई बाजागाजासहित पर्व मनाएका छन्। इतिहासअनुसार राष्ट्रिय विभूति शङ्खधर साख्वाले विसं ९३७ (इसं ८८०) मा गरिब जनताको ऋण मोचन गरेपछि नेपाल संवत् […]

काठमाडाै‌, कार्तिक २४ । राष्ट्रिय स्वतन्त्र पार्टी (रास्वपा) का उपसभापति तथा अर्थमन्त्री डा. स्वर्णिम वाग्ले अमेरिकी पत्रिका टाइमको १०० प्रभावशाली व्यक्तिको सूचीमा परेपछि पार्टीले उनलाई बधाई दिएको छ। महामन्त्री विपिनकुमार आचार्यले जारी गरेको विज्ञप्तिमा जलवायु वित्त परिचालन, स्रोत व्यवस्थापन र अन्तर्राष्ट्रिय प्रणालीगत सुधारमा वाग्लेले देखाएको नेतृत्वलाई नेपालका लागि महत्त्वपूर्ण भनिएको छ। विज्ञप्तिअनुसार रसुवा/भोटेकोशी बाढीपछि वाग्लेको […]