काठमाडौं,असोज १५
सन् २०२० को लागि अमेरिकी डाइभर्सिटी भिसा (डीभी) खुलेको छ । बुधबार मध्याह्न १२ बजेदेखि डिभीको आवेदन खुलेको हो । ५ नोभेम्बर २०१९ मध्याह्न १२ बजे आवेदन बन्द हुने अधिकारी वेभसाईटमा बताईएको छ ।
यस पटकावाट आवेदन फारम भर्दा पासपोर्ट नम्बर, पासपोर्टको म्याद र इमेल ठेगाना अनिवार्य गरिएको छ ।
यस वर्ष ५५ हजारले डीभी चिठ्ठामार्फत् अमेरिकाको भिसा पाउने बताईएको छ । व्यक्तिगत विवरणको आधारमा कम्प्युटर सिस्टमले डीभीको लागि योग्य व्यक्तिहरुको छनोट गर्ने व्यवस्था रहेको छ ।
भारत र पाकिस्तान १७ देशले नपाउने
भारत, पाकिस्तान, बंगलादेशसहित १७ देशका नागरिकहरुले भने डीभीको फारम भर्न नपाउने अधिकारीहरुले बताएका छन् ।
नपाउने देशहरुमा चीन, ब्राजिल, क्यानडा, कोलम्बिया, डोमिनिक रिपब्लिक, एल साल्भाडोर, ग्वाटेमाला, जमैका, मेक्सिको, नाइजेरिया, फिलिपिन्स, दक्षिण कोरिया, बेलायत (उत्तरी आयरल्याण्ड बाहेक) र भियतनाम छन् ।
