विराटनगर, असोज १६
सिआईएन नेपाल डटकमका पत्रकार अनिल बर्मा आज बाराको महागढीमाई नगरपालिकाका मेयर उपेन्द्र यादवबाट कुटिएका छन् ।
नगरपालिकामा प्रयोग हुने सवारी साधान र त्यसमा खपत हुने बारे ईन्धनको बारे सोधपुछ गर्न जादा आफुलाई मेयर यादवले कुटपटि गरेको पत्रकार बर्माको आरोप छ । पत्रकार बर्माले भन्छन् “मेयरको कर्यकक्षमा प्रवेश गर्ने वित्तिकै मेयरले मलाई नानाथरी गाली गलौच गर्दै हातपात गरे । त्यति मात्र नभई मेयर यादवले नगर प्रहरी समेत लगाइ मलाई लछारपछार गरी कुटपिट गर्न लगाए”
गाडी र ईन्धनको विषयमा यसअघि पाएको सूचना अपूर्ण भएको भन्दै थप सूचना संकलनको लागी आज नगरपालिका पुगेको बेला मेयरले दुव्र्यवहार गरेको पत्रकार बर्मा बताउछन् । उनीको साथ रहेको मोबाईल तथा परिचयपत्र समेत खोसिएको बर्माको भनाई छ ।
यस विषयलाई लिएर न्यायको अपिल गर्दै पत्रकार बर्माले जिल्ला प्रशासन कार्यालयमा निवेदन समेत दर्ता गराई सकेका छन् ।