विराटनगर, असोज २०
सामाजिक कार्यमा सर्मपित भारतको ख्वाब फाउडेशनलले विराटनगरका युवा अभियानकर्मी चाँद बाबू इराकीलाई विश्व शान्ति दुतको पदवी दिने भएको छ । यही अक्टोवर १५ तारिक बिहारको पुर्वीय चम्परनमा फाउडेशनले आयोजना गर्न लागेको दुई दिने ग्लोबल गान्धी पिस कन्फरेन्समा इराकीलाई उक्त पद्धवी प्रधान गरिने बताईएको छ ।
ख्वाब फाउडेशनले इराकलाई इमेलमार्फत उक्त कार्यक्रममा सरिक हुन र पद्धवी गह्रण गर्न निमन्त्रणा पठाएको छ । उक्त कार्यक्रम महात्मा गान्धीको १५० औं जन्मजयन्तीलाई लक्षित गर्दै आयोजना गरिएको फाउण्डेशनले बताएको छ । कार्यक्रमा विभिन्न २० मुलुका १ सय ५० भन्दा बढी प्रतिनिधिले सहभागीता जनाउने बताईएको छ ।
यस अघि पनि ख्वाब फाउण्डेसनले इराकीलाई ‘कलाम युथ लिडरसीप अवार्ड–२०१९’ बाट सम्मानित गरिसकेको छ । उनलाई सामाजिक काम र युवा शसक्तिकरणमा योगदान पुर्याए बापत सो अवार्ड प्रदान गरिएको थियो ।