इटहरी, असोज २२
बडा दशैको दिन सुनसरीको इटहरी १७ स्थित पकलीको एउटा परिवारमा दर्दनाक घटना घटेको छ । श्रीमती र ६ वर्षिया कलिली छोरी मारेर एक जना व्यक्तिले आत्माहत्या गरेको छन् ।
तीनै जनाको लास घरभित्र भेटिएको छ । श्रीमान् राकेश शर्मा झुण्डिएको अवस्थामा फेला परेका छन् भने उनकी श्रीमती पुनमको लास टिनको बाकसभित्र भेटिएको छ । यस्तै छोरी स्वस्तीकाको लास बोराभित्र पाइएको छ ।
नजिकै रहेको हजुरबुवाको घरमा बस्दै आएका राकेशका छोरा दशैंको टिका लगाउन घर आएका थिए । झ्यालबाट हेर्दा बुवा झुण्डिरहेको देखेको बताईएको छ ।
उक्त विषयमा अनुसन्धान भइरहेको सुनसरी प्रहरीले बताएको छ । प्रहरीका अनुसार श्रीमती पुनमको टाउकोमा धारिलो हतियारले प्रहार गरेर र छोरी स्वस्तीकाको मुन्टो बटारेर मारेको हुनसक्ने अनुमान गरिएको छ ।
लामो समयदेखि राकेश र पुनमबिच घरायसी विवाद चलिरहेको प्रारम्भिक अनुसान्धाले बताएको छ ।

ADVERTISEMENT