काठमाडौं, २५ असोज
चिनियाँ राष्ट्रपति सी जिनपिङ नेपाल आईपुगेका छन् । राष्ट्रपति विद्यादेवी भण्डारीले चिनियाँ समकक्षी सी जिनपिङलाई त्रिभुवन विमानस्थलमा स्वागत गरेकी छन् ।
राष्ट्रपति सी भारतको चेन्नइबाट एयर चाइनाको विशेष विमानमार्फत साझको करिव ५ बजे काठमाडौं अवतरण गरेका हुन् ।
राष्ट्रपति सीलाई नेपालका उपराष्ट्रपति नन्दबहादुर पुन, प्रधानमन्त्री केपी शर्मा ओली र अन्य मन्त्रीहरुले विभानस्थलमै स्वागत गरेका छन् ।
चिनियाँ राष्ट्र प्रमुखको हैसियतले नेपालमा २३ बर्षपछि भएको यो एउटा ऐतिहासिक भ्रमण हो । राष्ट्रिपति सि ले आजै समकक्षी विद्यादेवीसँग भेटवार्ता गर्ने समेत रहेको छ । उनी आज र भोली नेपाल बस्नेछन् ।
