विराटनगर, कार्तिक १
आफ्नो छोराको निधन भएपछि एकल जीवन बिताउदै आएकी बुहारीको ससुराल पक्षले बिहे गरिदिएका छन् । २०६७ साल असार १४ गते, मोरङ केराबारी ९ भलुवाका कुवेरप्रसादको २४ वर्षीय एक्लो छोरो पुण्यप्रसाद पोख्रेलको अल्पायुमै निधन भएको थियो ।
छोरो गुमाएपछि एकल बनेकी बुहारी सुनिता पोख्रेलको ससुराल पक्षले आफ्नै घर मोरङको केरावारीबाट विवाह गरिदिएका हुन् । बिहिबार ससुराल पक्षले गाउँको भद्रभलाद्मी र आफन्तजनको उपस्थितिमा झापा घैडाडुब्बा निवासी बलबहादुर कार्कीसँग सुनिताको बिवाह गरिदिएका थिए ।
सुनिता १३ वर्षीय छोरा सहित विराटनगरमा डेरा गरी बस्दै आएकी थिइन् । एकल जिवन विताउदै आएकी बुहारीलाई छोरी जस्तै गरी बिवाह गरिदिएका कारण पोख्रेल परिवारको अहिले केरावारीमा प्रसंशै प्रसंशा भईरहेको छ ।
फोटो :विगुल न्युज डट टिभीबाट
