विराटनगर,असोज २
लयान्स क्लब अफ विराटनगर सिटीको अध्यक्षमा निर्वाचित भएका घनश्याम पोखरेल अहिले सामाजिक कार्यमा सक्रिय भएर लागि परेका छन् । एक वर्षको कार्यकायलमा ३ सय ६५ वटा सामाजिक कार्य गर्ने घोषणा गरेका उनले आफ्नो कार्यतालिका अनुसार सामाजिक काममा लागि परेका हुन् ।
झापा, मोरङ र सुनसरीका ग्रामिण क्षेत्रका बस्तीलाई कार्य क्षेत्र बनाएर सामाजिक कामको सुरुवात गरेको उनले बताए । ‘अहिलेसम्म ४६ वटा समाजिक कार्य सम्पन्न भइसकेको छ,’ उनले भने, ‘मैले लयान्स क्लब मार्फत गरेको कार्यहरू आर्थिक रूपमा विपन्न सामुदायहरूका लागि छन् । उनीहरूलाई आवश्यक पर्ने सामाग्री र स्वास्थ्य जनचेताका कामहरू रहेको छ ।’ अहिलेसम्म सुनसरी र मोरङमा स्वास्थ्य शिविर, आर्थिक अवस्था नाजुक भएका परिवारका छोराछोरीहरूलाई पठनपाठनमा टेवा पु¥याउने उद्देश्यले स्टेशनरी, घाइते भइ दुःखी भएकाहरूलाई वैशाखि पनि वितरण गरिएको उनले बताए ।
अध्यक्ष पोखरेल (निलो सर्ट लगाएका ), निःशुल्क आँखा शिविर गराउदै
शुक्रबार मोरङ जहदा गाउँपालिकास्थित निःशुल्क आँखा शिविर आयोजना गरिएको थियो । उक्त शिविरमा १ सय १३ जनाले स्वास्थ्य परिक्षण गरिएका मध्ये १५ जनामा मोतिबन्धु भेटिएको थियो । मोतिबिन्धु भेटिएको १५ जनाको निःशुल्क शल्यक्रिया विराटनगरस्थित रामलाल गोल्सा आँखा अस्पतालमा हुने उनले बताए । यस अघि पनि विभिन्न ठाउँमा यस्तो स्वास्थ्य शिविर भएको उनले बताए । आफुले घोषणा गरेको सामाजिक कार्य अनुरुपको १ सय ३ वटा कार्यक्रम एकै दिनमा गरिने पनि जानकारी दिए । ‘आउँदा माघ १० गते मोरङको विभिन्न स्थानमा एकै दिन १ सय ३ वटा सामाजिक कार्यक्रम एकै दिनमा हुनेछ,’ उनले भने, ‘त्यो सामुदायमा आधरित कार्यक्रमहरू रहेको छ । त्यस दिन हुने कार्यक्रम भव्य र सभ्य हुनेछ ।’
