विराटनगर, कार्तिक ८
नेकपाका अध्यक्ष पुष्पकमल दहाल (प्रचण्ड)ले शुक्रबार विराटनगर एयरपोर्टमा पत्रकारहरुलाई कुनै पनि प्रतिक्रिया दिएनन् । पत्रकारहरु केहि घण्टादेखि उनको पर्खाइमा एयरपोर्टमा बसिरहेका थिए । तर प्रचण्ड जाहजबाट झर्ना साथ उनलाई लिन आएको गाडीमा चेढेर गन्त्वय तर्फ हुइकिए ।
काठमाडौंबाट उनी दिउँसो १२ः३० बजे विराटनगरमा अवतरण भएका थिए । त्यस लगतै उनी सिधासिधी नेकपा मोरङले आयोजना गरेको दशै तिहार शुभकामना आदानप्रदान कार्यक्रम तर्फ हुईकिए ।
पछिल्लो समय भिभिआईपी र भिआईपीसँग मुलुका एयरपोर्टहरुमा प्रतिक्रिया लिने गलत संस्कारको विकास भएको छ । एयरपोर्ट जस्तो अति व्यस्त र संवेदनशिल क्षेत्रमा पत्रकार सम्मेलन गराउनु कुरा कदापी ठिक होइन ।
पत्रकाहरुले मुलुकको विभिन्न एयरपोर्टहरुमा भिआईपी कक्ष भित्र पसेर प्रतिक्रिया लिने गरेका छन् । जुन वाञ्छनीय कार्य होइन ।
एयरपोर्टको भिआईपी कक्ष भित्र कार्यकर्ता भेला हुन, पत्रकार सम्मेलन गर्ने तथा अन्य यस्ता खाल्का गतिविधि गर्न उड्डयन प्रधिकरणले निषेध गरेतापनि शक्तिको आड नियम कानुनहरु नेपालको एयरपोर्टहरुमा मिच्ईरहेका छन् ।
शुक्रबार पनि प्रचण्डलाई स्वागत नेता तथा कार्यकर्ताहरु फुलमाल लिएरै भिआई कक्ष पुगेका थिए । पत्रकारसँग भने नियमकानुन कारणले भन्दा पनि मुड नभएर प्रचण्डले नबोलेको बुझिएको छ ।
