तुलसीपुर, कार्तिक ८
बसको ठक्करबाट कुखुराको भाले मरेपछि दाङको तुलसीपुरमा स्थानीयहरुले चक्काजाम गरेका छन् । बिहिबार उपमहानगरपालिकाको लुहाडबराका स्थानीयहरुले उचित क्षतिपूर्तिको माग गर्दै सडक अवरुद्ध पारेका थिए ।
खैराहा–कोठारी सडकखण्डमा चल्ने एक बसले स्थानीयको भाले मारेर भागेपछि आक्रोशित बनेका स्थानीयहरुले सडकमा ढुंगा, काठको मुडो , बाँस राखेर सडक अवरुद्ध पारेका थिए । स्थानीयहरुले करिब एक घण्टासम्म चक्कजाम गरेका बताईएको छ ।
बस व्यवसायी र स्थानीइ विच २ केजी मृत भालेको लागी १२ सय क्षतिपुर्ति दिने सहमति भएपछि स्थानीयहरुले सडक खोलेका थिए ।
पटकपटक सवारी साधनले घरपालुवा जिवजन्तु मारेपछि त्यहाँका स्थानीय आजित बनेका छन् ।
