विराटनगर, ९ कार्तिक ।
तेस्रो संस्करणको मिस्टर एण्ड मिस लिटल कोशी २०१९ को फाइनलमा पुगेका प्रतियोगिहरूले प्रतिभा देखाएका छन् ।उक्त प्रतियोगिताको फाइनमा पुगेका २९ जना प्रतियोगीहरूले आफ्नो रोजाइ अनुसारको प्रतिभा ‘ट्यालेन्ट शो’ मा देखाएका हुन् । ईटहरीमा भएको ट्लयान्ट शो मा फाइनलमा पुगेका प्रतियोगीहरूले नृत्य, गीत, चित्रकला, कविता, मेकअप लगायतका प्रतिभा प्रस्तुत गरे । उनीहरू मध्ये एक जनाले बेस्ट ट्यालेन्ट एवार्ड प्राप्त गर्नेछन् । सो एवार्ड आउँदो कार्तिक १८ गते हुने फाइनलको दिन वितरण हुनेछ । ट्यालेन्ट शो को निर्णायकहरूमा जय मिडिया म्यानेजमेन्टका निर्देशक जयराज राय, मिसेस कोशी २०१९ को विजेता रेनुका लिम्बु, नृत्य निर्देशक मनोज राजवंशी र बैङकर रविन थापा रहेका थिए । जय मिडिया म्यानेजमेन्ट प्रा.लि ले आयोजना गरेको उक्त प्रतियोगिताको फाइनलमा २९ जना पुगेका छन् ।स्कुलस्तरमा अध्ययरत विद्यार्थीहरूमा भएको प्रतिभा उजागर गर्नुको साथै उनीहरूको व्यक्तित्व विकास गराउने उद्देश्यले आयोजित सो प्रतियोगितामा भने विराटनगर, इनरुवा, धरान र धनकुटाबाट प्रतियोगिहरूले भाग लिएका छन ।

ADVERTISEMENT