फारबिसगंज (भारत), कात्तिक ११
ईंडियन रेलवे केटरिंग एण्ड टुरिज्म कार्पोरेशनले (आईआरसीटीसी) ले यात्रीहरुलाई महिला ट्रेन होस्टेसलाई नजिस्काउन चेतावनी दिएको छ ।
आईआरसीटीसीले देशको पहिलो निजी ट्रेन तेजस एक्सप्रेसको यात्रीहरुलाई ट्रेन होस्टेससँग सभ्यतापुर्वक व्यवहार गर्न चेतावनी दिएको हो ।
दिल्ली र लखनऊको बीचमा चलिरहेको तेजस एक्सप्रेसमा विश्वस्तरीय सुविधाका साथ हवाईजहाज जस्तै यात्रुहरूको सेवाका लागि ट्रेन होस्टेसहरू छन । तर ट्रेनमा यात्रा गर्ने केही यात्रीहरूले ट्रेन होस्टेसहरुसँग दुर्व्यवहार गर्न थालेपछि आईआरसिटिसीले यस्तो कदम चालेको हो ।
सोही बिषयमा बोल्दै आईआरसीटीसीका प्रवक्ताले ट्रेनहरू सञ्चालन आएदेखि यस्ता उत्पीडनको केही घटनाहरू बाहिर आएको बताए । उनले यात्रुहरूले ट्रेन होस्टेसलाई रोकेर उनको फोन नम्बर माग्ने वा सँगै सेल्फी क्लिक गर्न सोधी उनीहरुलाई हैरान गर्ने गरेको उल्लेख गरे ।
यसको स्थायी समाधानका लागि आईआरसीटीसीले तेजस ट्रेनको घोषणा प्रणाली परिवर्तन गर्ने निर्णय गरेको छ । यसबाहेक आईआरसीटीसीकाअधिकारीहरु तेजस ट्रेनका होस्टेसबाट यात्रीहरुको व्यवहार बारे प्रतिक्रिया समेत लिनेछन ।
यसको आधारमा बेमतलब होस्टेसहरुसँग दुर्व्यवहार गर्ने यात्रुहरुलाई कानुन बमोजिम कारबाही गरिनेछ ।
