काठमाडौं, कार्तिक १६
आफ्नो निर्णय विरुद्ध उत्रिएका नेविसंघका केही विद्यार्थी नेतालाई कांग्रेस सभापति शेर बहादुर देउवाले गाली गलौच गरेका छन् । देउवाले नेपाल विद्यार्थी संघमा ५० वर्ष नाघेका राजीव ढुंंगानालाई सभापति बनाउन खाजेपछि विद्यार्थीहरु उनको विरोधमा उत्रिएका थिए ।
शुक्रवार केन्द्रीय समिति बैठक बस्ने भएपछि पार्टि कार्यलय सनेपामा पुगेका सभापति देउवाले विद्यार्थीहरूलाई गाली गर्दै मुख छाडेको बताईएको छ । पूर्वकेन्द्रीय सदस्य नवराज त्रिपाठीको अगुवाइमा विद्यार्थीहरु पार्टि कार्यलय अगाडि नै प्रद्धशन गरिरहेका थिए । एक विद्यार्थी नेताले भने “सभापति ज्यू गाडीबाट ओर्लने वित्तकै , हामी तिर औला ठड्याउदै मुख छाड्नु भयो”
कुन्दन काफ्ले समूहका विद्यार्थीहरूले देउवालाई घेरेर नाराबाजी गरेका थिए । उनीहरूले टीके प्रथा खारेज गर, हनुमान नेता चाहिँदैन, विधान मिच्न पाइँदैन भन्दै नाराबाजी समेत गरेका थिए । उमेर हदअनुसार ३२ वर्ष तलको नेतृत्व संगठनमा ल्याउनुपर्ने उनीहरु माग रहेको छ ।
विद्यार्थीहरुले चर्को नाराबाजी गर्दै दाउवालाई घेरेपछि उनले आक्रोशमा विद्यार्थीलाई गाली गलौंच गरेका थिए ।
