काठमाडौं, कार्तिक १६
दशैका लागी खसी माग्ने कोहलपुर,ईलाका प्रहरी कार्यलयका ईन्चार्ज डिएसपी हेमबहादुर शाहीेलाई छानविन गरिने भएको छ ।
दशै ताका तरुण दल बाँकेका कोषाध्यक्ष केशर खड्कासँग खसी मागेको अडियो सार्वजनिक भएपछि डीएसपी शाही छानविनको दायरामा तानिएका हुन् । डिएसपीमाथि पनि अनुसन्धान हुने प्रहरी हेडक्वाटर स्रोतले बताएको छ ।
दशैताका खसी नपठाएपछि तरुण दलका कोषाध्यक्ष केशरसँग डिएसपी हेमबहादुरको संबन्ध चिसिएको थियो । त्यसपश्च्यत डिएससीले केशरलाई फोन गरी देखाइदिने धम्की दिएका थिए ।
धम्की दिएको केहि दिन बित्न नपाउदै कार्तिक १५ गते तरुण दलका नेपालगञ्ज नगर सभापति सन्दिपजङ्ग शाह सहित ६ जना पक्राउ परे । उनीहरुको गाडीबाट पेस्तोल भेटिएको भन्दै डिएसपीले उनीहरुलाई नियन्त्रणमा लिएका थिए । तर खसी नदिएको रिसिबी साद्नलाई डिएसपीले नियोजित रुपमा आफुहरुलाई फसाएको पक्राउ परेकाहरको भनाई छ । विषेश गरी खसी नदिने कोषाध्यक्ष खड्कालाई नै टार्गेट गरेर प्रहरीले षड्यन्त्र रचेको तरुण दलको ठम्मयाई छ । तर संयोगबस आफु त्यस समय त्यहाँ उपस्थित नभएकाले प्रहरीले प्रक्राउ गर्न नसकेको कोषाध्यक्ष खड्को बताउँछन् ।
प्रधान कार्यलयको स्रोत भन्छ “पेस्तोत बरामद हुनु र खसी माग्नु बेग्ला–बेग्लै विषय हो । पेस्तोलको विषयमा अनुसन्धान सकिएपछि, डिएसपी माथि पनि अनुसन्धान गरिने छ”
उक्त विषयलाई लिएर तरुण दलले कोहलपुरमा प्रद्धशन गरिरहेको छ ।
सुचना स्रोत : हाम्रा कुरा र अनलाईन खबर
