बारा, कार्तिक १८
बाराका एक सहिद परिवारलाई छठ पर्वको कोशेली स्वरुप मधेस जनविद्रोह समितिले बाइना प्रदान गरेका छ । मधेशी रितिरिवाज र संस्कार अनुसार एक धर्मको पर्वहरुमा अरु धर्मका इष्ट मित्र, छरछिमेकलाई आपसी मेलापात, भाइचारा, सद्भाव कायम राख्न कोशेली (बाइना) दिने चलन रहेको छ । सोही रित अनुसार सोमबार बारा जिल्लाका सहिद हिफाजत मियाको परिवारमा गएर जनविद्रोह समितिले कोशेली (बाइना) प्रदान गरेको हो । हिफाजत मिया २०७२ सालको मधेश अन्दोलनमा शहिद भएका थिए ।
राजनितीक लडाइर्मा आफन्त गुमाएको कुरा हरेक पर्वमा विशेष गरि सम्झना हुने गरेको हुन्छ सोही कुराको मध्यनजर गरि हरेक पर्वमा सहिद परिवारको घरघरमा गएर सहानुभूति स्वरुप कोशेली दिने गरेको समितिका केन्द्रीय सदस्य अजय पटेलले बताए ।
राज्यविरुद्ध विभिन्न समयमा भएको अधिकारको लडाईमा सहदत्त प्राप्त गरेका विभिन्न सहिद परिवारको घरमा गई प्रत्येक वर्ष समितिले कोशेली प्रदान गर्ने गरेको छ ।
कोशेली दिन संचारकर्मी मुना ठाकुर, अहमद हुसेन, भोजपुरी गायक भोजपुरिया लगायतका उपस्थिति रहेको थियो ।
