०१ जेठ २०८२, बुधबार
14-05-2025 , Wed
Gold Silver Price (30 BAI 2082, TUE)
Fine Gold 1 Tola NRs. 185300
Silver 1 Tola Nrs. 1985

छोरीको पास्‌नी बृद्धा आश्रममा

"आफ्ना छोराछोरी सम्झेर होला आमाहरु भक्कानिनु भयो "
Logo
प्रकाशित सोमबार, कार्तिक १८, २०७६

✍ खेम पौडेल
विराटनगर,कर्तिक १८
जन्म,विवाह,व्रतबन्ध,न्वारन, जस्ता धेरै उत्सवहरु मानिसको जिवनमा आउने गर्दछन् । ति उत्सव मनाउन कोही सिंगापुर पुग्छन् कोही लण्डन । कोही ठुला ठुला तारे होटल बुक गर्छन् कोही घरमै खसी ढालेर भोजभतेर गर्छन् ।
तर विराटनगर ६ निवासी बसन्त गौतमले भने उत्सव मनाउने भिन्न शैली रोजे । उनले आफ्नो ५ महिनाकी छोरी कृपाको पास्नी–उत्सव बृद्धा आश्रममा मनाउने निधो गरे ।

कार्तिक १३ गते भाईटिकाको भोली पल्ट आफ्नो पाँच महिने छोरी सहित सपरिवार बसन्त विराटनगरको पुष्पलालचौकस्थित महिला जागृति तथा बृद्धाआश्रमतर्फ हानिए । कोशेलीमा वृद्ध आमाहरुलाई ऊन्युको चोली अनी धेरै मिठाईका प्रकारहरु सहित । आश्रममा पुगेर गौतम दम्पतीले आफैले खीर\पनीर पाकाए र वृद्धा आमाहरुलाई जालपान गराए । बसन्त भन्छन् “हामीले आमाहरुका लागी कोशेलीमा चोलो लगेका थियौं, चोलो दिनसाथ आमाहरुले लगाएर आउनुभयो र कस्तो देखियो भन्दै सोध्नुभयो ? हाम्रो मन पग्लियो” उनले थपे “कति आमाहरु सायद छोराछोरी सम्झेर होला भक्कानिनु भयो, हाम्रा पनि आखाँ रसाए”
यसरी उत्सव मनाउदा भिन्नै खाल्को आनन्द प्राप्त गरेको गौतम दम्पती अनुभव सुनाउछन् । बसन्तका धर्मपत्नी बीना भन्छिन् “हामीलाई कति आनन्द महशुस भएको छ त्यो म शब्दमा बयान गर्न सक्दिन, तर दावाका साथ भन्न सक्छु होटलमा भोजभतेर गरेको भए यति आनन्द आउदैन्थ्यो”

वृद्ध आमाहरुको सेवा गरेर चरम आनन्द महसुस गरेका गौतम दम्पतीले अब जिवनका हरेक उत्सवहरु यसै गरी गरिव, दुखि र असाहयको सेवा गरेर विताउने समेत संकल्प गरेका छन् ।
पास्नी उत्सव बृद्धाआश्रममा मनाएर गौतम दम्पत्तिले समाजलाई एउटा उदारणीय पाठ सिकाएका छन् । होटल तथा घरमा मान्छेहरुको ताति लगाएर भोजभेतर गराउनु भन्दा अरुको सेवा गरेर उत्सव मनाउनु नै उचित हो । के तँपाई गौतम परिवार झैँ अरुको सेवा गरेर जिवनका उत्सवहरु मनाउन सक्नुहुन्छ ?

 

गौतम परिवार र आश्रमका वृद्ध आमाहरु

 

कमेन्ट गर्नुहोस्
सम्बन्धित

काभ्रेपलाञ्चोक, ३० वैशाख । अविरल वर्षाका कारण बिपी राजमार्गको माप्तीस्थित रोशी खोलाको बाढीले सोमबार राति डाइभर्सन बगाउँदा आठ घण्टादेखि राजमार्ग अवरुद्ध भएको छ । गएरातिदेखि अवरुद्ध राजमार्ग खुलाउने प्रयास भइरहेको जिल्ला प्रहरी कार्यालयले जनाएको छ । कार्यालयका सूचना अधिकारी प्रहरी नायब उपरीक्षक मीनबहादुर घलेका अनुसार उक्त बाढीले रोशी गाउँपालिका–१२ स्थित राजमार्गको मङ्गलटारतर्फको सडक राति थप क्षति […]

काठमाडौं ,२९ बैशाख। पूर्व न्यायाधीश फोरमले वर्तमान संविधान लागू भएको दश बर्ष बितसक्दा पनि मुलुकमा कानूनको सर्वाेच्चता स्थापित हुन नसकेको जनाएको छ । फोरमद्वारा कानून दिवस २०८२ को उपलक्षमा काठमाडौंमा आयोजित कानूनी राज्य संरक्षणमा न्यायपालिकाको अपेक्षित भूमिका बिषयक छलफल कार्यक्रम पछि जारी विज्ञप्तिमा  मुलुकको शासन व्यवस्था कानून अन्तर्गत अनुशासित,उत्तरदायी र मर्यादित हुँदै जानुको सट्टा स्वेच्छाचारिता […]

काठमाडौं २६ बैशाख ।  राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रवीन्द्र मिश्रमाथि राज्यले फेरि अर्को मुद्दा थपेको छ । तीनकुने घटनासँग जोडिएर यसअघि राज्यविरुद्धको कसुर र संगठित अपराध अन्तर्गत अभियोग लगाइएको मिश्रमाथि अब आपराधिक उपद्रवसमेतको मुद्दा दायर गरिएको हो । आज (बिहीबार) जिल्ला अदालत काठमाडौंमा म्याद थपको प्रक्रिया दौरान मिश्रमाथि नयाँ आरोप थपिएको हो । […]