विराटनगर, कार्तिक १९
विराटनगरका युवा अभियानता चांद इराकीले मंगलबार आफ्नो जन्मदिनको अवसरमा बालबालिकालाई शैक्षिक सामग्री वितरण गरेका छन् । बर्थ–डे–वोई इराकीले बिराटनगरको रानीस्थित जोहरा लिल मोमिनात मदरसाका सम्पुर्ण विद्यार्थीहरुलाई कापी,कलम लगायतका शैक्षिक सामग्री प्रदान गरेका हुन् । मुस्लिम धर्मावलम्बी छात्राहरुले मात्र अध्ययन गर्ने उक्त मदरसामा हाल १०५ विद्यार्थी छन् ।
हरेक बर्ष आफ्नो जन्मदिन सामाजिक काममा गरेर मनाउने गरेको र आगामी वर्षहरुमा पनि यो कामलाई निरन्तरता दिने ईराकी बताउँछन् । उनले जिवनको हरेक उत्सव सामाजिक काम गरेर मनाउन युवाहरुलाई पनि आग्रह गरेका छन् ।