विराटनगर, कार्तिक २१
विराटनगर महानगरपालिकाका पुर्व प्रमुख प्रशासकिय अधिकृत कुमार दहाल र मेयरका स्वकिय सचिव त्रिभुसन गिरी विच फेसबुकमा भनाभन भएको छ । गिरीले आफ्नो फेसबुकमा पोष्ट गरेको समाचारमा पुर्व प्रशाकिय अधिकृत दहालले नकारात्मक टिप्पणी गरेपछि गिरी आक्रोशित बनेका थिए । गिरीले केहि दिनअघि आफ्नो व्यक्तिगत फेसबुकमा ‘मेयरले महानगरको सुख संवृद्धिका लागी लिएको’ छठ व्रर्तको समाचार पोष्ट गरेका थिए ।
गिरीले आफ्नो फेसबुकमा पोष्ट गरेको समाचार
उक्त पोष्टमा कुमार दहालले विराटनगरका मेयर भिम पारजुलीलाई ईंगित गर्दै “अघोरी बाबा पनि सोसल मिडिया पपुलर हुन्छन् । काम कुरा एका तिर कुम्लो बोकी ठिमी तिर” भन्दै नकारात्मक कमेन्ट गरेका थिए । प्रतिउत्तरमा मेयरका स्वकिय सचिव गिरीले “महानगरको बारेमा नकारात्मक कमेन्ट गर्ने तपाई को हो ? क्वाटरमा बसेर गाँजा तानेको जस्तो होईन, जानुस गएर मानसिक डाक्टरसँग चेकअप गराउनुस् भनेका थिए”
त्रिभुसनले दिएको प्रतिउत्तरसँगै कुमार दहालको चरित्र बारे नँया रहस्य उद्घाटन भएको छ । गिरीले घुमाउरो पारामा क्वाटरमा बसेर दहालले गाँजा फुक्ने गरेको कमेन्टमा भनेका छन् । नेपालमा गाँजा प्रतिबन्धित चिज हो । यदी गिरीले लगाएको आरोप सही हो भने कुमार दहाल एक मिनेट पनि सरकारी अहोदामा बस्न योग्य मान्छे होइन । यसको विषयमा सरकारले छानविन गर्न अतिआवश्यक छ ।
अर्कोतर्फ कुमार दाहलले दिएको प्रतिक्रिया मर्यादा विपरित भएको जानकारहरु बताउछन् । कुनैपनि सरकारी अहोदामा बाहल रहेको व्यक्तिले जनप्रतिनिधीको काम–कारवाहीलाई ठाडै टिप्पणी गर्नु मर्यादा विपरीत हुने जानकारहरुको भनाई छ । विराटनगरमै कार्यकारी प्रमुख रहि सकेका दहालले आफ्नै प्रमुखको विषयमा नकारात्मक टिप्पणी गर्दा उनको नैतिकतामाथि पनि प्रश्न चिन्ह खडा भएको छ ।
गाँजा तानेको र मर्यादाको विवादमा मुछिएपछि कुमार दहालले आफुले गरेको कमेन्ट डिलिट गरेका छन् ।
९ महिनासम्म प्रमुख प्रशासकिय अधिकृतको रुपमा कार्यरत कुमार दहालको २०७५ साल फागुनमा विराटनगरवाट सरुवा भएको थियो । उनी महानगरमा रहदा समेत पटक पटक विवादमा तानिएका थिए । जनप्रतिनिधिहरुले गरेको काममा पटक पटक हस्तक्षेप गर्ने गरेको उनलाई आरोप लगारहन्थ्यो । उनले एकपटक महानगरको बोर्ड बैठक चलिरहेको बेला एक वडा अध्यक्षसँग हात हालहाल गरेर समेत विवादमा तानिएका थिए ।
फगुनमा सरुवा भएर उनी महानिर्देशक रुपमा यतायात व्यवस्था विभाग पुगे । त्यहा पुगेपछि पनि उनी उनको स्वाभावमा परिवर्तन आएन । पटक पटक मन्त्री स्तरवाट आएको निर्णयलाई नै हस्तक्षेप गर्नेगरी उनले कामकारवाही गर्न थालेपछि कुमार विभागमा समेत छ महिना पनि टिक्न सकेनन् ।
