इटहरी, मंसिर २२
इटहरीको मुख्य चौकमा रहेको सूर्य कम्प्लेक्समा गए राति आगलागी भएको छ । सूर्य कम्प्लेक्स स्थित होटल बिगबारबाट रातिको करिब १२ः३० बजेबाट आगलागी सुरू भएको बताईएको छ ।
प्रत्यक्षदर्शी गान्धी घिसिङ तामाङको अनुसार रातको करिब ३ बजे नेपाल प्रहरी, नेपाली सेना र दमकलको र स्थानीयहरुको सहयोगमा आगो नियन्त्रणमा आएको छ । चौथो तलामाथि लागेको आगो निभाउन दमकल र सुरक्षाकर्मीलाई मुस्किल भएको बताइएको छ । आगो निभाउनका लागी इटहरी, धरान, इनरुवा र सुन्दरहरैंचाबाट दमकल आएको छ ।
आगलागीबाट होटल बिगबार पुर्णरुपले ध्वस्त भएको छ भने ग्लोेबल आइएमई बैंक र आइएमई लाइफ इन्स्योरेन्स ईटहरी शाखामा समान्य क्षती भएको छ ।

तपाईको प्रतिक्रिया