विराटनगर, मंसिर २५
बुधबार मोरङको बेलबारी नगरपालिका–५मा स्कुलको बसले किच्दा एक शिशुको मुत्यु भएको छ । कसेनी मोडल इङ्लिस बोर्डिङ स्कुलको को १ ख ३०४६ नम्बरको बसले किच्दा प्रमोद साहका २२ महिने छोरा यसराजको बिहान ९ बजे घटनास्थलमै मृत्यु भएको हो ।
यसराजलाई घरमै छाडेर आमा शिवकुमारी शाह एलकेजीमा अध्ययनरत ५ वषिय अर्को छोरो सोनु साहलाई बसमा चढाउन आएकी थिइन् । सोही बेला आमा र दाजुलाई पछ्याउँदै आएका यसराज बसको पछाडिबाट मुनी छिरेको र बस अघि बढाउने क्रममा घटना हुन पुगको बताईएको छ ।
यसराजको शव पोस्टमार्टमका लागि उर्लाबारीको मंगलबारे अस्पतालमा लगिएको छ ।