विराटनगर, पुष २५
तराईमा बढ्दै गएको जाडोको प्रकोपलाई मध्यनजर गर्दै मानव सहयोगी हातहरु नामक सामाजिक संस्थाले मोरगको विभिन्न स्थानहरुमा न्यानो कपडा वितरणको कार्यलाई तिब्रता दिएको छ । संस्थाका संस्थापक अध्यक्ष सुमन कालिकोटेको अग्रसरतामा संस्थाले मंसिर पुष महिना भित्र मोरङको विभिन्न स्थानीय तहमा १ हजार थान भन्दा बढी न्यानो कपडा वितरण गरेको छ ।
संस्थाले भर्खरै मात्र (पुष २१ गते) मोरङ्गको रतुवामाई नगरपालिका १ स्थित सोनापुरमा बसोबास गर्दै आएका गरिब तथा विपन्न वर्गका नागरिकहरुलाई न्यानो कम्बल र ज्याकेट वितरण गरिएको थियो । जसमा बालबालिकालाई १ सय ५० थान ज्याकेट र वृद्ध–वृद्धाहरुलाई १ सय थान कम्बल वितरण गरिएको थियो ।
यस अघि पनि उक्त संस्थाले विराटनगरको आशोक चोकमा गरिब तथा विपन्न वर्गलाई ६० थान कम्बल वितरण गरिसकेको छ । त्यस्तै हाटखोलाका सुकुम्बासीलाई १ सय थान कम्बल तथा बालबालिकालाई ८० थान ज्याकेट संस्थाले वितरण गरिसकेको छ ।
संस्थाका अध्यक्ष कालिकोटे भन्छन् “मानव सेवा नै हाम्रो संस्थाको उद्देश्य हो, हामी अझै पनि जिल्लामा जाडोबाट प्रभावित गरिब तथा विपन्न वर्गको तथ्याङ्क संकलन गरिरहेका छौं , हाम्रो न्यानो कपडा वितरण गर्ने अभियान जारी रहन्छ”
मनव सहयोगी हातहरुले यस अघि पनि विराटनगर संघिया खोला सरसफाई अभियानमा महत्व पुर्ण जिम्मेवारी निभाएको थियो । मानव सहयोगी हातहरुमा ५ सय भन्दा बढी युवाहरु सक्रिय रहेको र समाजिक कार्यमा सवै युवाहरु मिलेर अघि बढ्ने गरेको अध्यक्ष कालिकोटे बताउछन् ।
समाजिक कार्य गर्न सधैभरी उतपे्ररणा दिने नेकपाका जिल्ला सचिव गणेश उप्रेती तथा मानव सहयोगी हातहरुका ताजिम अन्सारी, वैद्यनाथ कर्ण लागएत सम्पुर्ण सदस्यहरुलाई कालिकोटीले विषेश धन्यवाद व्यक्त गरेका छन् ।
