विराटनगर, माघ १
नेपालका बैज्ञानिक दिलिप अधिकारी माथि ठगीको आरोप लागेको छ । वैज्ञानिक अधिकारी सुनसरीको बर्जु गाउँपालिकामा रहेको एभरेष्ट साइन्स सेनटर शान्तीबन का संचालक समेत हुन् । विराटनगरका अग्रज पत्रकार तथा नेपाल पत्रकार महासंघ मोरङका पूर्व अध्यक्ष शिवबहादुर कार्कीले बैज्ञानिक अधिकारीबाट ठगिएको आरोप लगाएका हुन् ।
घटना यस्तो….
वैज्ञानिक अधिकारीले २०६१ कार्तिकमा कार्कीसंग २७ लाख १५ हजार रुपैयाँ सापटी लिएका थिए । एभरेष्ट साइन्स सेन्टर स्थापनाका लागि अधिकारीले आफुसंग सहयोगको याचना गरेपछि राम्रै चिनजान भएकोले आफ्नै घर जग्गा बैंकमा धितो राखेर पैसा सापटी दिएको कार्कीले बताए ।
आफु अमेरिकाको नासामा काम गरेर आएको र आफ्नै ठाउँमा केहि गर्ने चाहना रहेको बताएपछि पत्रकार काकीले वैज्ञानिकलाई पत्याएका थिए ।
कार्कीले विराटनगरको तिनपैनीमा रहेको ३१ धुर जग्गामा बनेको आफ्नो १६ कोठे घर तत्कालिन सिएसआइटी हाल महालक्ष्मी विकास बैंकमा धितो राखेर दिलिपलाई कर्जा उपलब्ध गराइ दिएका थिए । तर आज, १६ वर्ष लागिसक्दा समेत अधिकारीले लिएको सापटी रकम फिर्ता गरेका छैनन् ।
यसबिचमा आफुले पटक पटक अधिकारीसंग उक्त रकम माग गर्दा दिने आश्वासन मात्रै दिएको कार्कीले गुनासो गरे । र अधिकारले दिएको चकहरु पटक पटक बाउन्स हुने गरेको कार्किले पिडा सुनाए ।
अधिकारीले ऋण नतिरेको कारण घर लिलाम हुने चरणमा पुगेपछि २०७३ सालमा आफैंले १ करोड तीन लाख रुपैयाँ तिरेर घरजग्गा उकासेको छोरा सुभाषले बताए ।
बियाज र उकासे घरको मुल्य सहित ८६ लाख रुपैयाँ वैज्ञानिक अधिकारीले कार्कीलाई दिनुपर्ने देखिन्छ ।
