१४ भाद्र २०८२, शनिबार
30-08-2025 , Sat
Gold Silver Price (13 Bhadra 2082, Friday)
Fine Gold 1 Tola NRs. 201100
Silver 1 Tola Nrs. 2375

मोरङका चार उद्योगी व्यापारी माथि छानविन : घिमिरेको शंकास्पद मृत्यु प्रकरण

Logo
प्रकाशित शुक्रबार, माघ १०, २०७६

विराटनगर, माघ १०
विराटनगरका अडिटर प्रवल घिमिरेको शंकास्पद मृत्यु प्रकरणमा प्रहरीले मोरङका चार प्रतिष्ठित उद्योगी तथा व्यापारी माथि छानविन शुरु गरेको छ । विराटनगर शनिहाटका नन्दकिशोर राठी, विराटनगरकै सुनचाँदी व्यवसायी अरुण राठी, त्यस्तै विराटनगकै अशोक अटल र उर्लाबारीका नामुद ब्यापारी अनिल महेश्वरी चाण्डक माथि मोरङ प्रहरीले अनुसन्धान शुरु गरेको हो । चाण्डक पूर्व मिस नेपाल निकिता चाण्डकका पिता हुन् ।

यस्तो थियो घटना……
विराटनगर २ निवासी अडिटर प्रवल घिमिरेको शव गत मंगलबार बिहान सिंघीया खोलामा मृत अवस्थामा भेटिएको थियो ।
आठ वर्षयता लेखा परीक्षकको काम गदै आएका घिमिरे सोमबार साँझ उद्योगी नन्दकिशोर राठीले बोलाएपछि उनकै उद्योगमा पुगेका थिए । राति अबेरसम्म घर नआएपछि परिवारले घिमिरेको खोजी गरेको थियो । तर, मंगलबार बिहान उनको शव खोलामा भेटिएको थियो ।
सोमबार साँझ घिमिरेसँग होटलमा बसेर खानपान गरेका चार जना उद्योगी तथा व्यपारीहरु (नन्दकिशोर राठी,अरुण राठी, अशोक अटल र अनिल चाण्डक) माथि प्रहरीले अनुसन्धान गरिरहेको छ । प्रवलसँग भेट भएका चारैजनालाई तारेखमा राखेर बयान लिइएको जिल्ला प्रहरी कार्यालय मोरङका प्रहरी नायब उपरीक्षक लोकदर्शन थापाको भनाई छ । घिमिरेको मोबाइल पनि हराएका कारण घटना शंकास्पद रहेको थापाले बताएका छन् ।
ती उद्योगी व्यापारीहरुलाई प्रहरीले निगरानीमा राखी अनुसन्धान गरिहेको छ साथै उनीको मोबाइलको कल डिटेल समेत अनुसन्धानको लागी मगाइएको छ । सडकमा रहेका सीसी क्यामेरा फुटेज पनि अनुसन्धान गरिरहेको प्रहरीले जनाएको छ ।

घटना विवरण ……
विराटनगरका ठूला ५० हाराहारी कम्पनीको अडिट गर्दै आएका घिमिरे सोमबार साँझ अडिटकै शिलशिलामा नन्दकिसोर राठीले बोलाएपछि उनको उद्योगमा पुगेका थिए । मोटरसाइकल राठीको उद्योगमै राखेर आमाज बेकरी पुगेका थिए ।
त्यहाँबाट नन्दकिशोरले उर्लाबारीका अनिल चाण्डकलाई होटल मुनमा भेट गर्न बोलाएपछि उनीहरू भाटभटेनी सुपरमार्केट हुँदै मुन होटल पुगेका थिए । होटलमा अरुण राठी, अशोक अटलसँग भेटभएपछि एउटै टेबुलमा केही समय बसेर खानपान गरेका थिए ।
त्यसपछि उनीहरू लोटस बार पुगेका थिए । लोटसबाट अनिलको गाडीमा लिफ्ट मागेर आएका प्रवलको मोबाइल एक्कासी अफ भएको थियो । मोबाइल अफ भएपछि उनका आफन्तले रातभर खोजी गरेका थिए । अस्पताल, होटल र सडकमा खोजी गर्दा नभेटिएपछि चिन्तित भएको घिमिरे परिवारले घर आउने बाटो हेरिरहेका थिए । तर मंगलबार बिहान उनको शव खोलामा भेटिएको थियो । अहिले मृतकको भिसेरा जाँचका लागि काठमाण्डौ पठाइएको प्रहरीले जनाएको छ ।

कमेन्ट गर्नुहोस्
सम्बन्धित

काठमाडौं ,१४ भदौ। प्रधानमन्त्री केपी शर्मा ओली जनवादी गणतन्त्र चीनका राष्ट्रपति सी चिनफिङको मैत्रीपूर्ण निमन्त्रणामा साङ्घाई सहयोग सङ्गठन (एससिओ) शिखर सम्मेलनमा भाग लिन २३ सदस्यीय नेपाली प्रतिनिधिमण्डलको नेतृत्व गर्दै आज बिहान चीनको तियान्जिनतर्फ प्रस्थान गरेका छन् । त्रिभुवन अन्तरराष्ट्रिय विमानस्थलको अतिविशिष्ट कक्षमा प्रधानमन्त्री ओलीलाई उपप्रधानमन्त्री एवं सहरी विकासमन्त्री प्रकाशमान सिंह, गृहमन्त्री रमेश लेखक, परराष्ट्रमन्त्री डा आरजु […]

विराटनगर, १३ भदौ – कोशी प्रदेश सरकारले प्रदेशसभाबाट पारित गर्ने तयारी गरेको ‘प्रदेश आमसञ्चार सम्बन्धी व्यवस्था गर्न बनेको विधेयक, २०८१’ होल्ड भएको छ। प्रेस स्वतन्त्रता विरोधी प्रावधानसहितको विधेयक कोशी सरकारले ल्याएपछि पत्रकार र सञ्चारसम्बद्ध संघ संस्थाहरु आन्दोलनमा उत्रेका थिए। पत्रकारहरूको आन्दोलनपछि मुख्यमन्त्री हिक्मतकुमार कार्कीसँग तत्काल विधेयक अघि नबढाउने विषयमा छलफल भएको नेपाली कांग्रेस कोशी प्रदेश […]

विराटनगर,१४ भदौ । फोहोरमैला व्यवस्थापनका लागि कोशी प्रदेश सरकार र स्थानीय तहबीच संझौता भएको छ । मोरङ जिल्लाका चार तथा इलामका दुई स्थानीय तहबीच सम्झौता भएको हो । कोशी प्रदेश सरकार भौतिक पूर्वाधार विकास मन्त्रालय, विराटनगर र रङ्गेली नगरपालिका, सुनवर्षी नगरपालिका, कानेपोखरी गाउँपालिका तथा धनपालथान गाउँपालिकाबीच फोहोरमैला व्यवस्थापन रणनीतिक साझेदारी कार्यक्रमबारेको समझदारीपत्रमा हस्ताक्षर भएको हो । […]