विराटनगर, फागुन २
भरपेट अभियानका संचालक समाजसेवी दिलीप धाडेवालाई भारत नेपाल समाजिक संस्कृति मंचले सम्मान गरेको छ । शुक्रबार मंचले विराटनगरमा एक कार्यक्रममको अयोजना गरी धडेवालाई सम्मान गरेको हो ।
धडेवाले विराटनगरमा विगतको दुई महिनादेखि १० रुपैयाँमा भरपेट भात खुवाउँने अभियान सचालन गर्दै आएका छन् । गरिब दुखीलाई सस्तोमा भरपेट भोजन गराउनु अभियानको मुल उद्देश्य रहेको अभियान्ता धेडेवा बताउछन् । धडेवाको उक्त कार्यवाट प्रेरित भएर विभिन्न व्यक्तिहरुले देशका विभिन्न ठाँउमा अहिले सोहि खाल्को अभियान संचालन गरिरहेका छन् ।
१० रुपैयाँमा एक कप चिया पाउने मुस्किल रहेको वर्तमान अवस्थामा भरपेट भात खुवाउनु ठुलो कुरा हो भन्दै कार्यक्रमा मंचका अध्यक्ष रजेश शर्माले समाजसेवी धडेवाको प्रसंशा गरे ।
राजपाका मोरङ जिल्ला अध्यक्ष समेत रहेकां भरपेटकै अर्का अभियानता महमद कादीरले समाजमा कोही पनि भोको नरहोस् भन्ने भरपेट अभियानको उद्देश्य रहेको बताए ।
कार्यक्रममा भारतको आशियान इंटरनेशनल जार्नलिस्ट काउंन्सिलका प्रतिनिधि मेराज सिद्धकी, मधेशी नागरिक समाजका अध्यक्ष सूर्यनाथ सिंह, मंचको अध्यक्ष राजेशकुमार शर्मा र सचिव निर्मला देवले संयुक्त रूपमा दोसल्ला ओडाएर समाजसेवी धाडेवालाई सम्मान गरेको थिए ।
