काठमाडौं ,१२ साउन
क्वारेन्टाइन कार्यलयको कामकाजमा पत्रकारले दुःख दिने गरेको सरकारी अधिकारीहरुले गुनासो गरेका छन् । आइतवार कृषि तथा पशुपंक्षी विकास मन्त्रालयमा आयोजित छलफल कार्यक्रममा वनस्पति, पशु र खाद्य क्वारेन्टाइनका अधिकारीहरुले उक्त गुनासो गरेका हुन् ।
छलफलमा मन्त्री चक्रपाणि खनालले विद्यमान् समस्यावारे खुलेर भन्न अधिकारीहरुलाई अग्रह गरेपछि अधिकारीहरुले पत्रकारहरुको हर्कतको बखान गरेका थिए । व्यवसायीको क्वारेन्टाइन पास गर्न पत्रकार आउने गरेको र नहुने कामको लागी पनि दाबाब दिने गरेको अधिकारीहरुले मन्त्रीलाई गुनासो पोखेका थिए । पास नगरे बदनाम गरिदिने धम्की दिने गरेको भन्दै उनीहरुले यस समस्यावाट मुक्त गराईदिन मन्त्री खनाललाई आग्रह समेत गरेका थिए ।
क्वारेन्टाइन कार्यालयमा सञ्चारका लागि १४ हजार मात्रै बजेट भए पनि एक दर्जनभन्दा बढी पत्रकार आएर विज्ञापन माग्दै घण्टौसम्म कार्यालयमा बस्ने र आफुहरुले भयको वातावरणमा कामकाज गर्नुपर्ने गरेको एक अधिकारीको गुनासो थियो ।
पत्रकार बाहेक भन्सारका कर्मचारी, व्यवसायीे र शसस्त्र प्रहरीले पनि उतिकै दुःख दिने गरेको समेत अधिकारीहरुले मन्त्रीसमक्ष गुनासो पोखेका थिए ।

ADVERTISEMENT