काठमाडौं, वैशाख २०
कारोना विरुद्ध एक ढिक्का भएर लड्न प्रदेश १ का सचेत वर्गले सम्पुर्ण राजनितिक दललाई आग्रह गरेका छन् । उनीहरुले एक अनुरोध–पत्र जारी गरी मुलुकमा मरामारी फैलिएको बेला सबै राजनितिक दल र संगसंगठनहरु एक जुट हुनुपर्ने सुझाव दिएका छन् ।
सारा विश्वभरलाई कारोनाले आक्रान्त बनाईरहेको बेला त्यसविरुद्ध लड्नुको सट्टा नेपालका राजनितिक दलहरु सत्ता र कुर्सी ताना–तानको खेलमा लाग्नु दुखद कुरा भएको पत्रमा उल्लेख छ ।

पत्रमा भनिएको छ “कोभिड–१९ को विश्वव्यापी महामारीले देश आक्रान्त छ । देशको यो बिषम र अकल्पनिय परिस्थिती सामना सवै भएर गर्नु पर्छ । कोरोनाको प्रकोप, जोखिम र क्षतिलाई अहिले नै पूर्वानुमान गर्न सकिने अवस्था छैन । कोरोनासंग सघर्ष गर्नु पर्ने बर्तमान आवश्यकतामा अचानक देशको बदलिदो घटनाक्रमले हामीलाई चिन्तित र मर्माहत बनाएको छ”
प्राध्यापक डा.शुसिल साह, नागरिक अगुवा काशीनाथ चुडाल, कृषक विष्णु बुढाथोकी, लेखक सुजन दाहल, अधिवक्ता दीपक खतिवडा, चिकित्सकद्धय डा. ज्वाला कँडेल र डा.विश्वराज काफ्ले, इन्जिनियर सन्देश लुइटेल, व्यवसायी तेजु प्रसाई, उद्योगी बिपिन बस्नेत, व्यसायी अनिष खनालले संयुक्त रुपमा उक्त अनुरोध पत्र जारी गरेका हुन् ।