विराटनगर, बैशाख २७
मोरंगमा अवैध मदिरा असार्न प्रयोग भएको चारवटा सवारी साधन छुटाउन मदिरा कारोवारीहरु सक्रिय भएका छन् । वैशाख २४ गते ग्रामथान गाँउपालिकाको झोडाहाटबाट ठुलो परिमाणमा अवैध मदिरा ओसार्दै गर्दाको अवस्थामा ति सवारीसाधनहरु प्रहरीले पक्राउ गरेको थियो । मदिरा लिएर आउँदै गरेकी वेलवारी नगरपालिका वडा नम्बर ११ वस्ने रिता राई र पवि राईलाई समेत प्रहरीले तत्काल नियन्त्रमा लिएको थियो ।
पक्राउ परेको मदिराको परिमाण १३ सय लिटर थियो भने उक्त मदिरा ओसार्न दुईवटा मारुती भ्यान, एक आटो र एक स्कुटी प्रयोग भएका थिए । हाल मदिरा कारोवारीहरु पक्राउ परेको सवारीसाधनलाई छुटउन विभिन्न शक्तिकेन्द्र धाईरहेको बुझिएको छ । उनीहरुले विभिन्न व्यक्तिको सोर्सफोर्स लागाई प्रहरी तथा राजस्व कार्यलयलाई दाबाव दिइरहेको र सकेसम्म सबै सवारी साधन छुटाउन प्रयत्न गरिरहेको स्रोत बताउँदछ ।
कानुनमा अवैध मदिरा ओसार्न पक्राउ परेको सवारीसाधनहरु जफत हुने व्यवस्था रहेको छ ।
