काठमाडौं, जेठ १०
लकडाउनको बेला इन्टरनेट सेवा प्रदायक कम्पनी क्लासिकटेकले इन्टरनेट शुल्कमा मुल्यवृद्धि गरेको छ । कम्पनीको यस कदमले सरकारको निर्देशनलाई समेत अवज्ञा गरेको छ । सरकारले चैत्र १२ गते मन्त्रिपषिदबाटै निर्णय गरि इन्टरशुल्कमा ग्राहकलाई २५ प्रतिशत छुट दिन दुरसंचारमार्फत सवै इन्टरनेट सेवा प्रदायकहरुलाई निर्देशन दिएको थियो । तर क्लासिकटेकले भने छुट दिनुको सट्टा इन्टरनेट शुल्क मुल्य वद्धि गरेर सरकारको निर्णयको खिल्ली उडाएको छ ।
भिडियाेमा हेर्नुहाेस :
यस लकडाउनको अवधिमा मात्रै क्लासिटटेकले दुईपटक इन्टरशुल्कमा मुल्य समायोजन गरेको छ । दुईपटकै समायोजनमा क्लासिकटेकले इन्टरनेट शुल्कमा चर्को मुल्यवृद्धि गरेको छ । चैत्रमा, ९ सय रुपैयाँ प्रति महिनामा दिईरहेको ईन्टर सेवा क्लासिकटेकले वैशाखको मध्यतिर बढाएर १ हजार २९ रुपैयाँ पुर्याएको थियो । फेरी जेठको शुरुवातमै (भर्खरै) कम्पनीले इन्टरनेट सेवाको पुनः मुल्यवद्धि गरी १२ सय रुपैयाँ प्रति महिना पुर्याएको छ ।
कम्पनीले वार्षिक सस्क्रिपशनमा ग्राहकलाई दिदै आएको २ महिना बोनस निःशुल्क ईन्टरनेट सेवा पनि अब नदिने भएका छ । त्यससँगै नँया ग्राहकसँग जडान खर्चबापत अब कम्पनीले २ हजार रुपैयाँ अतिरिक्त ठट्टाउने भएको छ । यसअघिसम्म जडान खर्च भने निशुल्क थियो ।
सरकारको निर्देशन मान्ने हो भने, क्लासिकटेकले लकडाउन अघि ९ सय रुपैयाँमा प्रति महिनामा दिदै आएको इन्टरनेटमा २५ प्रतिशत घटौती गरी ग्राहकलाई लकडाउनअवधिभर ईन्टर उपलब्ध गराउनु पर्ने हुन्छ ।
