काठमाडौं, असार ६
सार्वजनिक सवारीसाधन सञ्चालनबारे यातायात व्यवस्था विभागले १ हप्ताभित्र टुंगो लगाउने भएको छ । उक्त विषयमा यातायात व्यवसायी र मजदुरसंग छलफल भईरहेको विभागले जनाएको छ ।
विभागका महानिर्देशक गोगनबहादुर हमालले लकडाउन खुकुलो भएसँगै सार्वजनिक यातायता संचालन गर्नेबारे पनि विभिन्न मोडालिटिहरुबारे विभागले अध्ययन गरिरहेको बताएका छन् । सार्वजनिक यातायात खोल्ने वा नखोल्ने बारे अहिलेनै यकिन भन्न नसकिने र खोल्नै पर्ने अवस्था आए सुरक्षाका सम्र्पुण बन्धोबस्त मिलाएर मात्र खोलिने हमालले बताएका छन् । यसबारे एक हप्ताभित्र केहि निश्र्कष निकालने गरी विभागले गृहकार्य गरिरहेको समेत हमालले जनाकारी गराएका छन् ।
