काठमाडौं, असार १२
केन्द्रीय तथ्यांक विभागको अनुसार नेपालको जनसंख्या ३ करोड नाघेको छ । असार १२ गते नेपालको जनसंख्या ३ करोड ६ सय ३४ पुगेको विभागको भनाई छ । राष्ट्रिय जनगणना २०६८को आधारमा विभागले उक्त जनसंख्याको आकडा निकालेको हो ।
राष्ट्रिय जनगणना २०६८ को तथ्यांकलाई टेकेर २०७८ सम्मको जनसंख्या पूर्वानुमान गरिएको विभागको भनाई छ । औसतमा दैनिक एक हजारभन्दा बढीले जनसंख्या बढ्दै गएको विभागको अनुमान छ ।
२०६८मा नेपालको कुल जनसंख्या २ करोड ६४ लाख ९४ हजार ५ सय ४ थियो । २०६८मा ५१ दशमलव ५ प्रतिशत महिला थिए भने ४८ दशमलव ५ प्रतिशत पुरुष थिए । त्यसमा जनसंख्या वृद्धिदर १ दशमल ३५ प्रतिशत रहेको देखाइएको छ । र विदेशमा १९ लाख २१ हजार ४ सय ९४ रहेको देखाइएको छ ।
६८कै तथ्याङ अनुसार देशभरिमा १२५ जातजाति र १२३ भाषा बोल्ने छन् ।

विभागको हालको अनुमान अनुसार मृत्युदर घटेको छ । र सरदर नेपालकीको औषत आयु करिब ६७ वर्ष रहेको छ । १९६८ सालदेखि नेपालमा हरेक दश वर्षमा राष्ट्रिय जनगणना हुँदै आएको छ । विभागले २०७८ जेठ २५ गतेदेखि असार ८ गतेसम्म नेपालको १२ औं राष्ट्रय जनगणना गर्ने तयारी गरेको छ ।