काठमाडाैं, असार १६
विराटनगर १० स्थित पिपलचौकको पक्की सडकमा ट्रिपर भासिएको छ । सोमबार साँझ सडकको पेटीमा पार्किङ गरि राखिएको अवस्थामा ट्रिपर भासिएको हो । चालक टेक बहादुर बोहराको अनुसार उनले टिपर केही बेरका लागी सडक पेटीमा छोडेर बाहिर गएका थिए । सडक पेटीमा राखेकोे केहिबेरमै ट्रिपर एकाएक भासिनथालेपछि प्रत्यक्षदर्शी स्थानीयहरु समेत चकित परेका थिए ।
पक्की सडकमै ट्रिपर भासिएपछि विराटनगर महानगरपालिकामा भईरहेको विकास निर्माणका कामको गुणस्थतरबारे प्रश्न उठ्न थालेको छ । उक्त सडक आशिष निर्माण सेवा कम्पनीले एक वर्षअघि मात्र निर्माण गरेको बुझिएको छ ।
उक्त घटना पश्च्यात विकास निर्माणको काममा जनप्रतिनिधि गैर जिम्मेवार भएको भन्दै विराटनगर महानगरपालिकाको प्रमुख भिम पराजुलीको सामाजिक संजालमा व्यापक आलोचना समेत भइरहेको छ ।
पछिल्लो समय विराटनगरमा भईरहेको विकास निर्माणको काममा अत्याधिक लापरवाही भईरहेको जनस्थरबाटै गुनासो आउन थालेको छ । केहि दिनअघि मात्र विराटनगरमा भारी वर्षा भईरहेको नाला ढलानको काम भईरहेको एक भिडियो समेत सार्वजनिक भएको थियो ।
मुसलधारे पानीमा निर्माण कार्य धमाधम (भिडियाे)
