साउन १६, विराटनगर ।
नोबेल मेडिकल कलेज विराटनगरमा उपचारको क्रममा सुनसरी झुम्काकी सुत्केरी पार्वती कार्कीको मृत्यु प्रकरण विवाद आपसी लेनदेनमा टुंगिएको छ ।

अस्पताल र आफन्तबीच मृतकको उपचारमा लागेको सम्पूर्ण खर्च मिनाहा गरिदिने र नवजात शिशुको पालनपोषणका लागि आवश्य रकम अस्पतालले उपलब्ध गराउने सहमति भएपछि विवाद अन्त्य भएको हो । अस्पतालले मृतकको उपचारमा लागेको २६ हजार रुपैयाँ फिर्ता गर्नुका साथै तिर्न बाँकी ९ हजार रुपैयाँ मिनाहा गर्ने सहमतिमा विवाद टुंगो लागेको जानकारी गराएको छ । त्यस्तै नवजात शिशुको पालनपोषणका लागि अस्पतालले २ लाख रुपैयाँ समेत उपलब्ध गराएको छ ।