मेलम्ची, भदौ १३
वर्षायाम सुरु भएसंगै यस बर्ष मुलुकमा बाढी पहिरोले विभिन्न स्थानमा ठुलो जनधनको क्षति पुर्यायो । सोही बाढी पहिरोको प्रकोपबाट सिन्धुपाल्चोकको मेलम्ची नगरपालिका पनि अछुतो रहन सकेन । यसै वर्ष वर्षातपछि आएको ठुलो बाढी पहिरोले यहाँ ठुलो क्षति पुर्याएको छ । यहाँका कतिपय मानवबस्ती अझै पनि उच्च जोखिममा छन् । जसले गर्दा यहाँका आम सर्बसाधरणहरु त्रसित बनेका छन् ।
बाढी पहिरोले पारेको यो संकट समाधान गर्नका लागी मेलम्ची नगरपालिकाका जनप्रतिनिधिहरु अहिले नगरबासीहरुको धरदैलोमा पुगेर वास्तविक अवस्थाको निरिक्षण गरिरहेका छन् । निरिक्षणको क्रममा मेलम्ची नगरपालिकाका प्रमुख डम्बर बहादुर अर्यालले पहिलो प्राथमिकता बाढी पहिरोबाट विस्थापित भएकाहरुलाई व्यवस्थित वासस्थान गरिने र उच्च जोखिमका बस्तिहरुलाई उपयुक्त स्थान हेरेर स्थानतरण गरिने बताउनु भयो । कोरोना महामारी एकातिर प्राकृतिक प्रकोप एकातिर यि दुबै जुद्धनु पर्ने अहिलेको पहिलो प्राथामिकता छ, नगरप्रमुख अर्यालले बताउनु भयो ।
गत भदौ ९ गते बसेको नगर बिपद व्यवस्थापन समितिको निर्णय बमोजिम जोखिमयुक्त घर तथा बस्तीको निरिक्षण गर्ने निर्णय गरेको थियो । निरिक्षणका क्रममा नगरपालिकाकी उप प्रमुख तथा नगर विपद व्यवस्थापन समितिको संयोजक भगवती नेपालले नगरमा पर्ने आवश्यक सहयोग जिल्ला विपद व्यवस्थापन समिति र प्रदेश सरकारलाई समेत विवरण पठाइने बताउनु भयो ।
निरक्षणकै क्रममा मेलम्ची नगरपालिका वडा नं ८ को पनि केही स्थान जोखिममा रहेको अनुगमन टोलिले निष्कर्श निकालेको छ । यहाँको खैरे बस्ती पहिलो जोखिमा रहेको र भौगोलीक अध्ययन गरी सो बस्ती लगाएत समुदायसंग छलफल गरी बस्ती स्थान्तरण गर्नको लागि सम्बन्धित निकाय संग पहल गरिदिन वडा नं ८ का प्रमुख ठंकराज गिरीले प्रस्ताव गर्नु भयो ।
निरिक्षणका क्रममा मेलम्ची नगरपालिका वडा नं ३ र ६ का वडा प्रमुख, ईलाका प्रहरी कार्यलय मेलम्चीका प्रमुख र विपद ब्यवस्थापन शाखाका प्रमुख इन्जिनियर जित बहादुर कार्की समेत उपस्थित रहेको थियो । यो अनुगमन क्रमश सबै वडाहरुमा गर्दै जाने र यसको १५ दिन भित्र प्रतिवेदन पेश गर्ने तयारी भइरहेको विपद व्यवस्थापन शाखाका प्रमुख इन्जिनियर जित बहादुर कार्कीले जानकारी दिनु भयो ।
