११ जेठ २०८१, शुक्रबार
24-05-2024 , Fri

मुख्यमन्त्रीले मिचे ऐन । कारवाही होला त ?

Logo
प्रकाशित बुधबार, माघ २१, २०७७

विराटनगर, माघ २१
सामाजिक व्यवहार सुधार ऐनले सामाजिक कार्यहरु गर्दा ५१ जनाभन्दा धेरै भेला गर्न बर्जित गरेको छ । त्यस्तै ऐनको अर्को दफाले सामाजीक कार्य गर्दा तामजाम र भड्किलो पाराले घर सझाउन नहुने कुरा उल्लेख गरेको छ । तर प्रदेश नं.१ का मुख्यमन्त्री शेरधन राईको विवाहमा उक्त ऐनको पालना नभएको पाइएको छ ।
भोजपुरका ४९ वर्षीय मुख्यमन्त्री राई माघ ११ गते संखुवासभाकी २३ वर्षीया ज्याङ्मु शेर्पासँग विवाह बन्धनमा बाँधिए । सो विवाह भव्यताका साथ काठमाडौंमा सम्पन्न भयो । जसमा ५ सय जना भन्दा बढिले सहभागिता जनाए ।

त्यस्तै माघ १६ गते विराटनगर बरगाछीस्थित होटल मनास्लुमा हजारौंलाई बोलाएर तामझामका साथ भव्य प्रितीभोजको आयोजना समेत गरियोे । विहेमा प्रदेशका सबै जिल्लाबाट जनप्रतिनिधि, सिडिओ, प्रहरी र अन्य सुरक्षा निकायका प्रमुखहरु तथा अन्य निकायका प्रमुख तथा उच्च औधामा रहेका व्यक्तिलाई समेत निम्तो गरिएको थियो ।
तामझामका साथ काठमाडौं र विराटनगरमा सम्पन्न भएको मुख्यमन्त्रीको वैवाहिक समारोहमा सामाजिक व्यवहार सुधार ऐनको उल्लं‌घन भएको देखिन्छ ।

काठमाडौंमा सम्पन्न भएको विवाहमा प्रधानमन्त्री के पी शर्मा ओली लगायत राज्यका अन्य विशिष्ट व्यक्तीहरु वर–वधुलाइ शुभकामना दिन उपस्थीत भएका थिए । सोही कारण प्र.म.ओली समेत कानुन उल्लंघन गर्ने विषयमा मुख्यमन्त्री राईको मतिहार बन्न पुगेका छन् ।

राज्यले सामाजिक व्यवहार सुधार ऐन कार्यन्यवन गराउने जिम्मा संवन्धित जिल्लाको सिडियोलाई दिएको छ । तर मुख्यमन्त्री पदमा रहेको व्यक्तिलाई सिडियोले कानुनी कडघरामा उभ्याउन सक्लान् त ? यो अहिले मुख्य जनचासोको विषय बनेको छ ।

कानुन मिचिएको विषयमा मुख्यमन्त्रीलाई कारवाहीको माग गर्दै पत्रकार गणेश लम्सालले निवेदन समेत लेखेका छन् । पत्रकार लम्सालले निवेदनमा मुख्यमन्त्री पदमा बसेर कानुन उल्लंघन गर्ने व्यक्तीलाई दाेब्बर सजाय हुनुपर्ने मागदावी समेत गरेका छन् । तर उक्त निवेदन उपर पनि सुनवाई हुने वा नहुने भन्ने विषयमा संकोच छ ।

सामाजिक व्यवहार सुधार ऐनको दफा ८ को १ अनुसार विवाहको भोजमा दुलाहा वा दुलही पक्षले आफन्तबाहेक ५१ जना भन्दा बढीलाई भोजमा आमन्त्रण गरे २० हजार रुपैयाँसम्म जरिवना र १५ दिनसम्म कैद सजाय हुने व्यवस्था छ । त्यस्तै ऐनको दफा १२ को १ अनुसार भड्किलो रुपले घर सजाउन हुदैन । सो प्राबधान उल्लंघन गर्दा १० हजार रुपैयाँ जरिवाना र ७ दिनसम्म कैद हुने व्यवस्था छ । ऐनको दफा १५मा बिहे भोजमा गरिएको खर्च पारदर्शी तरिकाले हिसाव देखाउनु पर्ने समेत उल्लेख गरिएको छ ।
ऐन उल्लंघनको विषयमा मुख्यमन्त्री राईले कानुन समक्ष आत्मसमर्पण गरेर राज्यको ऐन प्रति सम्मान प्रकट गर्न जरुरी देखिएको छ ।

कमेन्ट गर्नुहोस्
सम्बन्धित

विराटनगर,७ जेठ । विराटनगरमा रहेको मानव सेवा आश्रमलाई विभिन्न दाताहरुले भवन निर्माण तथा आवासीय सेवाका लागि आर्थिक सहयोग गरेका छन् । आश्रममा आयोजित एक कार्यक्रमका बीच दाताहरुले सहयोग गरेका हुन् । विराटनगरका समाजसेवी चिरन्जीवी दाहालले ५ लाख ११ हजार १ सय ११ रुपैयाको चेक प्रदान गरेका छन् । यस्तै ट्रान्स नेपालका तर्फवाट मुकेश राठीले ५ लाख […]

विराटनगर,५ जेठ/कोशी प्रदेशका मुख्यमन्त्री हिक्मत कार्कीले अहिलेको गठबन्धनसहितको सत्ता समीकरण टुट्न नदिने बताएका छन्। विराटनगरस्थित प्रदेश प्रमुखको कार्यालयमा शुक्रबार नवनियुक्त मन्त्रीहरुको शपथग्रहण कार्यक्रमपछि पत्रकारसँग संक्षिप्त कुरा गर्दै मुख्यमन्त्री कार्कीले अहिलेको सत्ता समीकरण आउँदो साढे तीन वर्ष र नयाँ निर्वाचनमा समेतसँगै अघि बढ्ने बताए। उनले भने, ‘अहिलेको जुन सत्ता समीकरण बनेको छ। यो नयाँ शक्ति सन्तुलनको […]

काठमान्डौ,२ जेठ । बलात्कारको मुद्दामा नेपालका क्रिकेटर सन्दिप लामिछानेले  सफाइ पाएका छन् ।  लामिछानेले उच्च अदालत पाटनले सफाइ दिएसँगै अदालत र न्यायाधीशहरुप्रति आभार प्रकट गरेका छन् । बुधबार दिनभर अदालतमै रहेका सन्दीपले आफ्नो पक्षमा फैसला आएसँगै भने, ‘मलाई न्याय दिनुभएकोमा न्यायमूर्तिहरुप्रति आभारी छु । अदालतप्रति मेरो विश्वास र आस्था निरन्तर थियो र भविष्यमा पनि अटल […]