बिराटनगर, माघ २३
डाक्टरलाई कुटपिट गरेको आरोपमा पक्राउ परेका तरूण दल मोरङका कोषाध्यक्ष अनिल रिजाल धरौटीमा छुटेका छन् ।
जिल्ला प्रसासन कार्यलय मोरङले बिहीबार १० हजार रुपैयाँ धरौटीमा रिजाललाई छोड्ने आदेश दिएको हो ।
विराटनगरस्थित नोबेल मेडिकल कलेजमा कार्यरत डा.मिनाक्षी बस्नेतलाई कुटपिट गरेको आरोपमा रिजाल माघ १० गते पक्राउ परेका थिए ।
रिजाल र डा.बस्नेत पहिलै देखिकै मिल्ने साथि हुन् । रिजालले डा. बस्नेतसँग तिन महिना अघि १० लाख रुपैयाँ सापटी लिएको र उक्त पैशा फिर्ता माग्दा रिजाले हातपात गरेको डा.बस्नेतको भनाई छ ।
रिजालले चिकित्सक बस्नेतलाई पुस १५ गते राति निर्घात कुटपिट गरेको आरोप छ । कुटपिटबाट बस्नेतको औला र सम्बेदनशिल अंगमा चोटपटक लागेको थियो । घटना भएको लामो समय बितिसकेतापनि मित्रताको कारण उजुर नदिएको तर पछिल्लो समय ज्यान नै मार्ने धम्की दिदैं रिजालले दवाव सिर्जना गरेपछि प्रहरीमा उजुरी गर्न बाध्य भएकी बस्नेत बताउछिन् ।
