विराटनगर, माघ २४
विराटनगरको सिमाक्षेत्र रानीमा रहेका विभिन्न बिद्यालयमा लायन्स क्लब अफ बिराटनगर ग्लोबल र करिम फाउन्डेसनले प्राथमिक उपचार समाग्री वितरण गरेको छ ।
शुक्रबार अनलाईन फार्मेसी नेप्मेड्स विराटनगरको सहयोगमा संचालित उक्त कार्यक्रममा रानीक्षेत्रका विभिन्न ५ विद्यालयमा उक्त उपचार समाग्री वितरण गरिएको हो ।
सामाजिक उत्तरदायित्व अनुरुप नेप्मेड्सले प्रदेश नम्बर १ का बिभिन्न स्कुलमा सेनेटरी प्याड , प्राथमिक उपचार सामग्री वितरण गर्दै आएको कम्पनीका व्यवस्थापक कल्याण राज कार्कीले बताए । करीम फाउन्डेसनका निर्देशक सरफराज आलमले यस्ता कार्यक्रमलाई थप व्यापक बनाएर लानुपर्ने धारणा व्यक्त गरे ।
