विराटनगर, माघ २८
तस्करीको आशंकामा मोरङको सुन्दरहरैचाबाट प्रहरीले ६७ वटा गोरु मंगलबार नियन्त्रणमा लिएको छ । तीनवटा ट्रकमा गोरुहरु लोड गरेर लैजाँदै गरेको अवस्थामा पूर्व–पश्चिम लोकमार्ग अन्तर्गत सुन्दरहरैँचाको बाँसबारीमा प्रहरीले ट्रकसहित गोरुहरु नियन्त्रणमा लिएको होे ।
गोरु ओसार्नको लागी ना ६ ख ६१३२, ना ६ ख ९७३४ र ना ५ ख ७७५७ नम्बरका ट्रकहरु प्रयोग भएको मोरङ प्रहरीले जनाएको छ । गोरुधनी सिन्धुपाल्चोक घर भएका विश्व बस्नेतको भएको खुलेको छ ।
नेपालबाट कागजपत्र मिलाएर गोरु झापाका सीमावर्ती नाका हुँदै भारततिर कटाउने गरिएको पाइएकाले उक्त गोरुहरुपनी भारत तर्फ तस्करी हुनलागेको आशंका प्रहरीले नियन्त्रणमा लिएको हो ।
