विराटनगर, माघ २९
पटक–पटक राजस्व छलेको आरोपमा कारबाहीमा पर्दै आएको विराटनगरको बीकेएम मसला उद्योग फेरी पनी व्यापक राजस्व छली गर्न तर्फ लिब्ध भएको पाइएको छ ।
राजस्व गोलमाल गरेका कारण उक्त मसला उद्योगका संचालक विवेक अग्रवाल वर्षेनी कारबाहीमा परिरहेका छन् । अग्रवालमाथि राजस्व अनुसन्धानले कर चुहावट गरेको भन्दै विगतको तिन वर्षदेखि अनुसन्धान गरिररहेको छ । तर पनि कुकुरको पुछर १२ बर्ष ढुंग्रामा राख्दा पनी टेडोको टडै भने झैं पटक–पटक कारवाहीमा पर्दा पनी अग्रवालले कर छली गर्न भने छाडेका छैनन् ।
अग्रवालले वर्षेनी भ्याट वापत तिर्नुपर्ने करोडौं रुपैयाँ राजस्व राज्यसँग छल्दै आएका छन् । कम्पनी भ्याटमा दर्ता भएपनि उनले अधिकांस कारोवार भ्याट बिल विनै गर्ने गरेका छन् ।
एक खेपमा लाखौंको कारोबार गर्ने अग्रवालले भ्याट बिलनै जारी नगरी मालसमान पठाउने गरेका छन् । उनका अधिंकास ग्राहक खुद्रा व्यापारी रहने भएकाले समेत अग्रवाललाई भ्याट बिल दिनुपर्ने आवश्यक्ता परिरहेको छैन् । तर उनले व्यापारीसँग भ्याटबापतको रकम भने उठाईरहेका छन् ।
भर्खरै मात्र भएको एक घटनालाई उद्धित गर्दै स्रोतले भन्यो “विवेक अग्रवालको बीकेएम मसला उद्योगले एक लाख ३७ हजार नौ सय ५३ रूपैयाँको बिलबिजक बनाउनुपर्ने थियो । तर उक्त फर्मबाट बिलबिजक नै जारी नगरी करिब ८४ हजार रूपैयाँको मूल्य अभिवृद्धि कर छली गर्ने काम भयो ।” अग्रवालले करछली गरेका यस्ता सयवटा भन्दा बढी करोबारको प्रमाण र साक्षी आफुसँग भएको स्रोतले दावी समेत गरेको छ ।
