विराटनगर , माघ ३०
पुर्वाञ्चलका पेट्रोलियम ढुवानी व्यवसायीहरुले ढुवानी सम्बन्धी नियम कानुनहरु समय सापेक्षिक बनाउनु पर्ने माग गरेका छन् ।
पुर्वाञ्चल पेट्रोलियम ढुवानी व्यवसायी संघको १४ औं साधारणसभामा बोल्दै अधिकांस ढुवानी व्यवसायीहरुले नेपाल आयल निगम समक्ष उक्त माग अघि सारेका हुन् ।
कार्यक्रममा बोल्दै पुर्वान्चल पेट्रोलियम ढुवानी व्यवसायीसंघका अध्यक्ष गुणराज निरौलाले पेट्रोलियम ढुवानीमा लाग्ने भाडादरमा १० बर्ष देखी परिवर्तन नभएकाले भाडा दररेट सम्सेधन गर्नुपर्ने माग राखेका थिए । साथै उहाँले नेपाल आयल निगमको विराटनगर प्रदेशिक कार्यालय साँधुरो भएकाले फराकिलो ठाउँमा सार्नु पर्ने प्रस्ताब राखेका थिए ।
कार्यक्रमका प्रमुख अथिती संघका केन्दीय अध्यक्ष खगेश्वर बोहोराले पेट्रोलियम ढुवानी व्यवसायीहरुको माग हरु प्रती आयल निगमलाई गम्भीर हुन आग्रह गरे ।
त्यस्तै कार्यक्रममा बोल्दै अन्य पेट्रोलियम ढुवानी व्यवसायीहरुले हाल सम्म निगमले आपतकालिन अबस्थामा अपनउनु पर्ने बिधीहरुको बारे कुनै पनी प्रकारको तालिम नदिएको गुनासो गरेका थिए ।
आयल निगमको तर्फबाट बोल्दै महानिर्देशक सुरेन्द्र कुमार पौडेलले व्यवसायीहरुको सबै जायज माग निगमले पुरा गर्ने प्रतिबद्धता व्यक्त गरे ।
