विराटनगर ,फागुन २
अनाधिकृत रुपमा ग्यासको कारेबार गर्ने विराटनगरका एक व्यापारीलाई प्रहरीले पक्राउ गरेको छ ।
जिल्ला प्रहरी कार्यालय मोरङले आईतबार गोप्य सुचनाको आधारमा विराटनगर ९ स्थित सिद्धार्थ ट्रेडर्समा छापा मारेको थियो । उक्त छापाबाटट्रेडर्सले विभिन्न कम्पनीका सिलीण्डरहरु अनाधिकृत रुपमा बिक्री गर्दै आएको खुलेको थियो । सिद्धार्थ ट्रेडर्सका सन्चालक महेन्द्र सेठिया हुन् ।
सो ट्रेडर्सले २ वटा कम्पनीका मात्र ग्यासका सिलिण्डर बेच्न पाउने अनुमति लिएको तर अन्य कम्पनीका सिलीण्डरहरु पनि छापा मार्ने क्रममा बरामद भएको छ ।
ट्रेडर्सबाट बिभिन्न कम्पनीका ६१ थान ग्यास सिलेण्डर बरामद गरेको प्रहरीले जनाएको छ ।
