विराटनगर, श्रावण २४
ओखलढुंगामा एक प्रहरी जवान बलात्कारको आरोपमा पक्राउ परेका छन् । स्थानीय १८ वर्षीय एक किशोरीलाई करणी गरेको आरोपमा प्रहरी जवान प्रकाशकुमार यादव पक्राउ परेका हुन् ।
सप्तरी घरभई हाल ओखलढुङ्गाको श्रीचौरमा कार्यरत प्रहरी जवान यादवलाई पीडित किशोरीले करणी गरेको प्रहरीसमक्ष जाहेरी दिएकी थिईन् ।
जिल्ला प्रहरी ओखलढुंगाका अनुसार किशोरीको किटानी जाहेरीका आधारमा प्रहरी जवान यादवलाई पक्राउ गरी अदालतबाट म्याद थप गरी अनुसन्धान शुरु गरिएको छ ।
मङ्गलबार घाँस काट्न गएकी किशोरीलाई प्रहरी जवान यादवले जङ्गलमै जबर्जस्ती करणी गरेको पीडितको आरोप छ । यादवले करणी गरिरहेका बेला किशोरीका बुबाले देखेपछि घटना बाहिर आएको बताईएको छ । जाहेरीमा किशोरीले आफ्नो इच्छाविपरीत पटक–पटक यादवले करणी गरेको भनी किटानी दिएकी छिन् ।

किशोरीलाई करणी गरेको घटना बाहिरिएपछि स्थानीयवासीले प्रहरीचौकी घेराउ गरी तोडफोड गर्ने प्रयास गरेका थिए ।

करीब डेढ महीना अघि सोहीका प्रमुख प्रहरी असई पर्शुराम विश्वकर्माले मदिरा सेवन गरेर महिलालाई यौन दुव्र्यवहार गरेको घटना बाहिरिएको थियो ।
त्यसका लागी विश्वकर्मालाई विभागीय कारवाही समेत भएको जिल्ला प्रहरी कार्यालय ओखलढुङ्गाले जनाएको छ ।

तपाईको प्रतिक्रिया