काठमाडौं, फागुन १२
प्रधानमन्त्री केपी ओलीले तत्काल राजीनामा नदिने उनका प्रेस सल्लाहकार सूर्य थापाले बताएका छन् । थापाले मंगलबार साँझ सामाजिक सञ्जालमा स्टाटस लेख्दै भने ’प्रधानमन्त्रीले प्रतिनिधिसभाको सामना गरेर नै फैसला कार्यान्वयन गर्नुहुन्छ । तत्काल राजीनामा दिनुहुने छैन,’ ।
सर्वोच्च अदालतले संसद पुनःस्थापना गर्ने फैसला विवादास्पद रहेको र यस फैसलाले राजनीतिक समस्याहरु हल हुन नसक्ने र अस्थिरता अझ बढ्ने थापाले बताएका छन् ।
राष्ट्रपति विद्यादेवी भण्डारीले प्रधानमन्त्री ओलीको सिफारिसमा पुस ५ गते प्रतिनिधिसभा विघटन गर्ने निणर्य गरेका थिए । उक्त निर्णय लाई सर्वोच्च अदालतको संवैधानिक इजलासले बदर गरेको छ ।
