विराटनगर फागुन १३
नेपाल युवा उद्यमी मञ्च विराटनगर च्याप्टरले विराटनगर नजिकैको कटहरी गाउँपालिकामा साप्ताहिक सन्ध्याकालीन बजार सुरु गर्न लागेको छ । उक्त बजारको उदेश्य मोरङ र सुनसरी जिल्लाका किसान, घरेलु तथा साना उद्यमीहरुबाट उत्पादित बस्तुको बजार प्रवर्द्धन गर्ने रहेको छ ।
कटहरीकाे कृषी थाेक बजारकाे हाताभित्र सचालन हुन लागेकाे साे सन्ध्याकाली बजारमा सागसब्जी, स्ट्रबेरी, मह, नौनी, नेवारी खाजा सेट, क्राफ्टका सामान तथा नेपाल अपाङ्ग महिला सङ्घले उत्पादन गरेको वस्तु साथै किसान, घरेलु तथा साना उद्यमीबाट उत्पादित बस्तु हरु रहने मञ्चका सचिव श्वेता तुलाधर बताईन् ।
साे बजार फागुन १४ शुक्रबारदेखि साप्ताहिक रूपमा साँझ ३ देखि राति ८ बजेसम्म खुला राखिने र १५ वटा स्टलबाट पहिलाे चरणमा सन्ध्याकालीन बजारकाे शुरुवात गरीने मञ्चका अध्यक्ष सृजन प्याकुरेले जानकारी दिएका छन् । बजार सञ्चालनको व्यवस्थापनका लागि मञ्चले विराट कृषि उत्पादन तथा बजारीकरण विशिष्टीकृत सहकारी संघसँग सहकार्य गर्ने सहमति भएको छ ।
