विराटनगर, फागुन १३
विराटनगर–७ स्थित जैसानी ट्रेड कन्र्सनको गोदाम उद्योग वाणिज्य तथा उपभोक्ता संरक्षण कार्यालय विराटनगरले बुधबार शिलबन्दी गरेको छ । उक्त ट्रेड कन्र्सनले पाँच वर्ष अगाडी म्याद सकिएको खाद्यवस्तु अहिलेसम्म बिक्री वितरण गरिरहेको पाइएपछि गोदाम शिलबन्दी गरिएको हो ।
वाणिज्य कार्यालयले बुधबार गरेको अनुगमनमा जैसानी टे«ड कन्सनको गोदामबाट ४० टन म्याद सकिएको रहरको दाल बरामद गरेको थियोे । २०१३ मा प्याकेजिङ गरिएको रहरको दालको बोरामा म्याद सकिने मिति सन् २०१५ उल्लेख थियो । तर दाल आयातकर्ता जैसानी ट्रेड कन्सर्नले म्याद सकिएको दालको बोरामा सन् २०२० मा प्याकिङ भई सन् २०२२ मा म्याद गुज्रिने भनी अर्को स्टिकर टाँसेर पसल र बिक्रेताहरुलाई बिक्री गरिरहेको पाइएको थियोे ।
उक्त ट्रेड कन्सनकका प्रोपाइटर निखिल जैसानीलाई उद्योग वाणिज्य तथा उपभोक्ता संरक्षण कार्यालय विराटनगरले तीन लाख रुपैयाँ जरिवना समेत गरेको छ ।
साथै विराटनगरको गुद्रीमा रहेको अनोखी टे«ड एण्ड सप्लार्यमा १२ बोरा र ओम किराना पसलमा ३ बोरामा सेही ब्राडको म्याद सकिएको रहरको दाल भटिएको छ । अनोखीलाई २० हजार र ओम किरानलाई ५ हजार रुपैयाँ जरिवना गरिएको छ ।

तपाईको प्रतिक्रिया