विराटनगर ,चैत्र २
जिल्ला प्रहरी कार्यालय मोरङबाट खटिएको प्रहरी टोलीले नेपाल आयल निगम प्रादेशिक कार्यालय विराटनगरबाट भारत जाने तयारीमा रहेको ट्याङ्करमा डिजेल भेटिएपछि गाडीका चालक र सहचालकलाई नियन्त्रणमा लिइएको छ ।
को १ ख ५९१२ नम्बरको ट्याङ्करले भारत फर्किने बेलामा पुनः डिजेल लोड गरेको भेटिएपछि प्रहरीले दुईजनालाई नियन्त्रणमा लिइएको हो । भारत अररिया मिरगञ्ज बस्ने २६ वर्षको मोहमद सजाद र २१ वर्षको ईमरोज आलमलाई प्रहरीले नियन्त्रणमा लिइएको हो ।
उनीहरु लाई नेपाल आयल निगमको बिनियम तथा प्रचलित कानून विपरित पेट्रोलिम पदार्थ अपचलन गरि राजश्व चुवाहट गरेको आरोपमा अनुसन्धानका लागि राजश्व अनुसन्धान कार्यालय इटहरीमा बुझाउने तयारी गरिरहेको प्रहरीले जनाएको छ ।
