विराटनगर , चैत्र ७
इन्धन भारत तस्करी गर्ने पेट्रोलपम्प र ढुवानीकर्ता विरुद्ध नेपाल आयाल निगम प्रादेशिक कार्यालय विराटनगरले कारवाहीको प्रक्रिया अगाडि बढाएको छ ।
फागुन २९ गते, तस्करी गरी भारत लैजान लागेको २ हजार ६ सय ६० लिटर डिजल सहित ट्याङकर पक्राउ परेपछि नेपाल आयाल निगमको प्रदेशिक कार्र्यालय विराटनगरले उक्त तस्करीमा संलग्न पम्प र ढुवानीकर्तालाई कारवाहि प्रकृया अगाडी बढाएको हो ।
भारत तर्फ जान लागेको को १ ख ५९१२ नम्बरको ट्याङकरमा डिजेल लोड भएको अवस्थामा मोरङ प्रहरीले पक्राउ गरेको थियो । उक्त ट्याङकर, ढुवानी व्यवसायी संघका सचिव चरणप्रित सिंहको भएको खुलेको छ ।
इन्धन ढुवानिको लागी भारत जान लागेको अवस्थामा आयल निगमको प्रादेशिक कार्यालय विराटनगरले सिंहको ट्याङकरमा डिजेल लोड भएको फेला परेपछि प्रहरीलाई खबर गरेको थियो । फागुन २९ गते सिंहको ट्ङकरमा डिजेल फेला परेपछी कार्यालयले कारवाहि अगाडी बढाएको जनाएको छ ।
निगमको बिनियम अनुसार बदमासी गर्ने ढुवानीकर्तालाई ३ देखि ६ महिना निलम्बन र आपूर्ती बन्दसमेत गर्न सक्नेछ ।
सिंहको ट्याङकरले महेशकुमार अग्रवालको मोरङको बुढीगङ्गगा गाउँपालिका–४ निमुवा स्थित नीतेश ट्रेडबाट ट्यांकरमा डिजल भरेको खुल्न आएको छ । सिलिगुडीबाट २० हजार लिटर पेट्रोल ल्याएर बेलबारी, विराटचौक र सुनसरीको तरहराको पेट्रोलपम्पा खन्याएको ट्यांकरले डिजल भरेर भारत जानलाग्दा कार्यालयले फेला परेको हो ।
पक्राउ परेको ट्यांकर तथा चालक दलका २६ वर्षीय मोहम्मद सजाद र २१ वर्षका इमरोज आलमले प्रहरीलाई दिएको बयान अनुसार उक्त ट्यांकरमा मोरङको बुढीगङ्गगा गाउँपालिका–४ निमुवास्थित नीतेश ट्रेड नामको पम्पले डिजल भरेको थियो । महेशकुमार अग्रवालको उक्त पम्पले प्रतिलिटर २ रुपैयाँ बढी लिएर डिजल भरेको स्रोतको दाबी छ ।
निगमको बिनियम अनुसार डिजेलतस्करी गर्न सहयोग गर्ने पेट्रोल पम्पलाई १ लाख रुपैयाँ जरिवाना देखि ६ महिनासम्म निलम्बन गर्न सक्ने प्रावधान रहेको छ ।
सिंह भारतमा बसेर तस्करीको सेटीङ मिलाउने गरेको अनुसन्धाबाट खुलेको छ । ट्याङकरबाटै तस्करी भएको पाइएपछि पेट्रोलिय व्यवसायीको समेत संलग्नता हुन सक्ने भन्दै मोरङ प्रहरीले अनुसन्धान अगाडी बढाएको छ ।
हाल ट्याङकर धनी सिंह फरार छन् भने तस्करलाई तेल बेच्ने पम्पका संचालक महेशकुमार अग्रवाल काण्डलाई सामसुम पार्नतर्फ लागीरहेका छन् । स्रोतका अनुसार अग्रवाल मोटो रकम बोकेर आयल निगमका अधिकारीसमक्ष केस–मिलान गराउनको लागी दिनेदिनै धाईरहेका छन् ।
उक्त विषयमा जाँच बुझ गर्ने विभिन्न निकायका अधिकारीलाई समेत अग्रवालले मोटो रकमको अफर दिईरहेको बुझिएको छ ।
यद्दपी समाज, मिडिया र सरोकारवालहरुले नजिकैबाट निहालिरहेको यो विषयमा मिलोमतोबाट अपराधीहरु उम्कने संम्भावना कमै रहेको छ ।
फागुन २९ गते बरामद भएको इन्धन भारत पुर्याउँदा करिब ६५ हजार रुपैयाँ तस्करीमा लागेका गिरोहलाई फाइदा हुनेथियो ।

यस विषयमा खबरदारी जारी रहने छ : जनचर्चा डट कम