११ जेठ २०८१, शुक्रबार
24-05-2024 , Fri

ईन्धन तस्करीको मुद्दा राजस्व अनुसन्धानको टेबलमा : घटनालाई सामसुम पार्न पम्प संचालक सक्रिय

Logo
प्रकाशित मंगलबार, चैत्र १०, २०७७

विराटनगर , चैत्र १०
नेपाल आयल निगम प्रदेशीक कार्यालय विराटनगरबाट केहि दिन अघि नियन्त्रणमा लिइएको ट्याङकर जिल्ला प्रहरी कार्यालय मोरङले अनुसन्धानको लागी राजस्व अनुसन्धान कार्यालय इटहरीलाई जिम्मा लगाएको छ ।

सो ट्याङकर चैत १ गते, तस्करी गरी भारत लैजान लागेको २ हजार ६ सय ६० लिटर डिजल सहित नेपाल आयल निगम विराटनगरबाट पक्राउ परेको थियो ।
निगम तथा मोरङ प्रहरीले एक साता लामो अनुसन्धान सकेपछि थप तहकिकातका लागी उक्त घटनासँग सम्बन्धित कागजपत्र तथा ट्याङकर राजस्व अनुसन्धान ईटहरी पठाएको हाे ।

सो ट्याङकर लोडेड–डिजल सहित चैत १ गते आयल निगम विराटनगरमा लकिङको लागी पुगेको थियो । ट्याङकरमा पहिलादेखिनै डिजेल रहेको पाएपछि निगमको कर्मचारीले प्रहरीलाई खबर गरेका थिए । नियम अनुसार कुनै पनि ट्याङकरले ईन्धन–लोड गरेर भारततर्फ लैजान पाउदैन ।

उक्त ट्याङकरका चालक र सहचालकलाई समेत पक्राउ गरी प्रहरीले अनुसन्धान गरीरहेको छ । पक्राउ परेको ट्यांकर चालक दलका २६ वर्षीय मोहम्मद सजाद र २१ वर्षका इमरोज आलमले प्रहरीलाई दिएको बयान अनुसार उक्त ट्यांकरमा मोरङको बुढीगङ्गगा गाउँपालिका–४ निमुवास्थित नीतेश ट्रेड नामको पम्पले डिजल भरेको थियो । महेशकुमार अग्रवालको पम्पले प्रतिलिटर २ रुपैयाँ बढी लिएर डिजल भरेको चालक दलको बयान छ । स्रोतले दिएको जानकारी अनुसार अग्रवालले च्यानल खडा गरी लामो समयदेखि तेल तस्करी गर्दै आएका छन् ।

सो ट्याङकर, ढुवानी व्यवसायी संघका सचिव चरणप्रित सिंहको भएको खुलेको छ । सिंह भने हाल फारर छन् । उता डिजल सप्लाई गर्ने आरोप खेपका अग्रवाल उक्त घटनालाई समासुम पार्न तर्फ लागीरहेका छन् । घटना सामसुम पार्नको लागी विभिन्न निकायका अधिकारीलाई अग्रवालले मोटो रकम अफर गरिरहेको स्रोतको दावी छ ।

यस विषयमा खबरदारी जारी रहने छ : जनचर्चा डट कम

 

 

 

कमेन्ट गर्नुहोस्
सम्बन्धित

विराटनगर, जेठ ११ ।  सन्तोषी मातालाई हिन्दु धर्ममा महत्त्वपूर्ण देवी मानिन्छ। सन्तोषी मातालाई सन्तुष्टि, खुसी, शान्ति र वैभवकी देवीको रूपमा हिन्दु धर्ममा पूजा गरिन्छ। धार्मिक मान्यता अनुसार सन्तोषी माता भगवान् श्री गणेशको छोरी हुनुहुन्छ(यद्यपि पुराणमा यो उल्लेख गरिएको छैन)। सन्तुष्टि हाम्रो जीवनमा धेरै महत्त्व राख्छ। यदि सन्तुष्टि छैन भने, एक व्यक्ति मानसिक र शारीरिक रूपमा […]

विराटनगर,११ जेठ । सत्ता गठबन्धनको ठूलो दल एमालेका अध्यक्ष केपी शर्मा ओलीले एकजना मिडिया मालिक पक्राउ पर्दैमा डेमोक्रेसि नै खतरामा पर्यो भन्नु गलत हुने धारण व्यक्त गरेका छन् । कान्तिपुर मिडिया ग्रुपका अध्यक्ष कैलाश सिरोहिया पक्राउ प्रकरणलाई उनले अदालती प्रक्रिया भएको र यसलाई कुप्रचार गर्न आवश्यक नभएको बताए । बिहीबार झापा आइपुगेका ओलीले भने ‘एकजना […]

विराटनगर,११ जेठ/ नेपाल प्रेस युनियनको ३३ औं स्थापना दिवसका अवसरमा प्रेस युनियन कोशी प्रदेशले सञ्चारकर्मीहरुबीच दौड प्रतियोगितासहित विभिन्न कार्यक्रम एव प्रदेश भेला सम्पन्न गरेको छ ।  दाैड प्रतियाेगितामा विराटनगरका कपलेश्वर यादव प्रथम भएका छन् । त्यस्तै विराटनगरकै अनन्तराम चौधरी द्वितीय र इलामका सुरेश भट्टराई तृतीय भए । त्यस्तै महिलातर्फ मोरङकी इन्दु साह प्रथम, ताप्लेजुङकी माला […]