विराटनगर , चैत्र ११
वाणिज्य कार्यालयको नेतृत्वमा इटहरी उपमहानगरपालिका तथा इलाका प्रहरी कार्यालय इटहरीको संयुक्त टोलिले इटहरीको बिभिन्न खाद्य बस्तुको स्टोरमा मंगलबार छापा मारेको छ ।
छापा मार्ने क्रममा भारतमा उत्पादन भएका खाद्य बस्तु अवैध रुपमा नेपाल भित्र्याएर बिक्री वितरण गर्ने गरेको पहीएपछी उक्त कार्यमा सम्लग्न बिभिन्न चार फर्मलाई वाणिज्यले जरिवाना समेत गराएको छ । वाणिज्यले ति फर्महरुलाई १० हजार सम्म जरिवाना गराएको छ ।
कारवाही पर्नेमा इटहरीको माँ नवदुर्गा सप्लायर्स, पी.डी.सप्लायर्स, भट्टराई स्टोर र राम किराना पसल रहेका छन् । यी पसलहरुमा भारतबाट अवैध रुपमा पैठारी गरिएको बिस्कुट, लेज, कुरमुरे, डेरी मिल्क, हल्दिराम भुजिया बिक्री गर्ने गरेको पाइएको थियो ।
उनीहरुलाई उपभोक्ता संरक्षण ऐन २०७५ अनुसार बिलबिजक देखाउन नसकेको आरोपमा जरिवाना गराइएको वाणिज्य कार्यालयले जनाएको छ ।
