विराटनगर , चैत्र १४
प्रदेश १ को मन्त्रीमण्डलमा चार मन्त्री र दुई राज्यमन्त्री नियुक्त भएका छन् ।
नवनियुक्त मन्त्रीमा भौतिक पूर्वाधार विकास मन्त्री अम्बिरबाबु गुरुङ, भूमी व्यवस्था, कृषि तथा सहकारी मन्त्री राम राना मगर, आर्थिक मामिला तथा योजनामन्त्री टंक आङ्बुहाङ र सामाजिक विकासमन्त्री उषाकला राई रहेका छन् ।
नवनियुक्त चारजना मन्त्रीहरुलाई शुक्रबार प्रदेश प्रमुख सोमनाथ अधिकारी प्यारीले सपथ ग्रहण गराएका छन् ।
त्यस्तै दुईजना राज्यमन्त्रीलाई भने मुख्यमन्त्री शेरधन राईले सपथ ग्रहण गराएका हुन । नवनियुक्त राज्यमन्त्रमा कला घले र राजकुमार ओझा रहेका छन् ।
यससँगै प्रदेश १ को मन्त्रिमण्डल ९ सदस्यीय बनेको छ । मन्त्रिमण्डल तेस्रो पटक पुनर्गठन भएको हो ।
